نئی دہلی: متحدہ عرب امارات کے نائب وزیر اعظم اور وزیر خارجہ شیخ عبداللہ بن زید النہیان چوتھے اسٹریٹجک ڈائیلاگ اور 15ویں ہندوستان-یو اے ای مشترکہ کمیشن کی میٹنگ میں حصہ لینے کے لیے جمعرات کو نئی دہلی پہنچے۔
Warm welcome to HH Sheikh Abdullah bin Zayed Al Nahyan, Deputy PM & FM of UAE @ABZayed as he arrives in New Delhi for the 4th Strategic Dialogue & the 15th India-UAE Joint Commission Meeting.
— Randhir Jaiswal (@MEAIndia) December 11, 2024
His visit will further strengthen the multifaceted Comprehensive Strategic Partnership…
شیخ عبداللہ بن زید النہیان کا خیرمقدم کرتے ہوئے، وزارت خارجہ کے ترجمان رندھیر جیسوال نے کہا کہ، یہ دورہ ہندوستان اور متحدہ عرب امارات کے درمیان کثیر جہتی جامع اسٹریٹجک شراکت داری کو مزید مضبوط کرے گا۔
سوشل میڈیا پلیٹ فارم ایکس پر جیسوال نے پوسٹ شیئر کرتے ہوئے لکھا، یو اے ای کے نائب وزیر اعظم اور وزیر خارجہ شیخ عبداللہ بن زاید النہیان کا پرتپاک خیرمقدم جب وہ چوتھے سٹریٹجک ڈائیلاگ اور 15ویں انڈیا- یواے ای جوائنٹ کمیشن میٹنگ کے لئے نئی دہلی پہنچ رہے ہیں۔ ان کا دورہ ہندوستان اور متحدہ عرب امارات کے درمیان شراکت، کثیر جہتی جامع حکمت عملی کو مزید تقویت دے گا۔
قابل ذکر بات یہ ہے کہ 14ویں ہند-یو اے ای مشترکہ کمیشن میٹنگ (جے سی ایم) کی مشترکہ صدارت وزیر خارجہ ایس جے شنکر اور ان کے متحدہ عرب امارات کے ہم منصب شیخ عبداللہ بن زید النہیان نے 1 ستمبر 2022 کو ابوظہبی میں کی تھی۔
سال 2022 میں، دونوں فریقوں نے شراکت کو مزید گہرا کرنے کے لیے ثقافتی کونسل فورم کے قیام کے لیے ایک مفاہمت نامے پر بھی دستخط کیے تھے۔
دونوں وزراء نے اگلے پانچ سالوں میں دو طرفہ تجارت میں 100 بلین امریکی ڈالر کے ہدف کو حاصل کرنے کے اپنے عزم کا اعادہ کیا تھا۔
دونوں وزراء نے کسی بھی ملک میں فوری ادائیگی کے پلیٹ فارم مثلاً یو پی آئی کو جوڑنے کے امکان کا مشاہدہ کیا تھا۔
متحدہ عرب امارات کے وزیر خارجہ نے متحدہ عرب امارات کی ترقی میں ہندوستانی برادری کے تعاون کی تعریف کی جبکہ جے شنکر نے ہندوستانی برادری کا خیال رکھنے کے لئے ان کا اور متحدہ عرب امارات کی پوری قیادت کا شکریہ ادا کیا تھا۔
یہ بھی پڑھیں:
