نئی دہلی: عام آدمی پارٹی کی رہنما سواتی مالیوال نے بدھ کو راجیہ سبھا کی رکن کے طور پر دو مرتبہ حلف لیا۔ ذرائع کے مطابق سواتی مالیوال کو راجیہ سبھا کے چیئرمین جگدیپ دھنکھر نے دو وجوہات کی بنا پر دو بار حلف لینے کے لیے کہا- پہلی یہ کہ انہوں نے ابتدائی طور پر غلط حلف لیا جب انہوں نے راجیہ سبھا کے نامزد اراکین کے لیے حلف کا ورژن پڑھا۔ دوسری وجہ غیر ضروری نعرے بازی تھی۔
میڈیا رپورٹ کے مطابق سواتی مالیوال نے پارلیمنٹ میں انقلاب زندہ باد کے نعرے لگائے۔ جس پر اعتراض ظاہر کرتے ہوئے چیئرمین جگدیپ دھنکھر نے انہیں دوبارہ حلف لینے کے لیے بلایا۔ آج راجیہ سبھا میں حلف لینے سے پہلے سواتی مالیوال کناٹ پلیس کے ہنومان مندر میں بھگوان کا آشیرواد لینے پہنچی تھیں۔ اس کے بعد میڈیا سے بات کرتے ہوئے انہوں نے کہا کہ یہ میرے لیے بڑا دن ہے۔ میرا بھگوان کے ساتھ ایک مختلف رشتہ ہے، میں کرما پر بہت یقین رکھتی ہوں۔ آج میں نے بھگوان سے دعا کی کہ وہ مجھے طاقت دے، تاکہ میں پارلیمنٹ کے اندر اور باہر ملک کے ضرورت مند لوگوں کے لیے ایک مضبوط آواز بن سکوں۔
بجٹ 2024 کے بارے میں سواتی نے کہا کہ میں دیکھنا چاہوں گی کہ بجٹ میں خواتین کے تحفظ اور ان کی بہتری کے لیے کیا کچھ ہے، کیونکہ بیٹی بچاؤ بیٹی پڑھاؤ جیسی کئی اسکیمیں ہیں، جو صرف نعرے بازی کے علاوہ کچھ نہیں ہے۔ نعرے لگانے سے لڑکیوں کی زندگی بہتر نہیں ہوگی۔ یہ بھی دیکھنا ہے کہ اس بجٹ میں مزدوروں، کسانوں اور بیروزگاری کے شکار نوجوانوں کے لیے کیا انتظامات ہیں۔
قابل ذکر ہے کہ 7 جنوری 2024 کو عام آدمی پارٹی نے راجیہ سبھا ممبر کے طور پر سواتی مالیوال کا نام تجویز کیا تھا۔ اس سے قبل سواتی کو سال 2015 میں دہلی ویمن کمیشن کی چیئرپرسن مقرر کیا گیا تھا۔ دہلی ویمن کمیشن میں اپنے 8 سالہ دور میں سواتی نے تیزاب کے حملوں، جنسی ہراسانی اور خواتین کی حفاظت جیسے سنگین مسائل سے نمٹنے کے لیے اقدامات کرنے میں اہم کردار ادا کیا۔
یہ بھی پڑھیں:
