چنئی: بھارت کے سابق وزیر اعظم راجیو گاندھی قتل کیس میں سزا یافتہ سنتھن نے راجیو گاندھی گورنمنٹ جنرل اسپتال (RGGH) چنئی میں آخری سانس لی۔ اسے معافی کے بعد جیل سے رہا کر دیا گیا تھا۔ اطلاعات کے مطابق اس کی موت صحت سے متعلق پیچیدگیوں کے باعث ہوئی۔ سابق وزیر اعظم راجیو گاندھی کے قتل میں قصوروار پائے جانے والے کئی ملزمان کو سال 2023 میں رہا کر دیا گیا تھا۔ سنتھن کی موت کے بعد قتل کی طویل داستان کا ایک اور باب بند ہو گیا۔
سنتھن کو سوتھینتھیراجا کے نام سے بھی جانا جاتا تھا۔ وہ ان سات افراد میں سے ایک تھا جسے سابق وزیر اعظم راجیو گاندھی کے قتل کے سلسلے میں جیل سے رہا کیا گیا تھا۔ اس کی رہائی سپریم کورٹ کے ایک تاریخی فیصلے کے بعد ہوئی تھی، جس میں مئی 2022 میں اس کیس کے ایک اور مجرم اے جی پیراریولن کی قبل از وقت رہائی کا حکم دیا گیا تھا۔
پیراریولن کی رہائی کے بعد، سنتھن سمیت چھ مزید مجرموں کو چھ ماہ بعد رہا کیا گیا۔ سنتھن کی رہائی کے بعد اس کی طبیعت بگڑ گئی جس کی وجہ سے گزشتہ ہفتے اسے آر جی جی ایچ میں داخل ہونے سے پہلے تریچی کے ایک خصوصی کیمپ میں رکھا گیا تھا۔ وہ جگر اور ٹانگ میں سوجن سے متعلق بیماریوں میں مبتلا تھا۔ معلومات کے مطابق، اس کا آج (28 فروری) صبح 7.50 بجے راجیو گاندھی اسپتال، چنئی میں انتقال ہوا۔
یہ بھی پڑھیں:
