نئی دہلی: راہل گاندھی عام لوگوں میں گھل مل جانے کے اپنے خاص انداز کے لیے جانے جاتے ہیں۔ کبھی وہ آٹو میں نظر آجاتے ہیں تو کبھی ٹرک میں تو کبھی ٹرین میں۔ راہل گاندھی کا یہ انداز دیگر سیاسی لیڈروں کے انداز سے مختلف ہے۔ اس مرتبہ کانگریس کے سینئر لیڈر اور لوک سبھا میں اپوزیشن لیڈر راہل گاندھی نے دہلی کے سروجنی میں دہلی ٹرانسپورٹ کارپوریشن (DTC) کی بس میں سفر کیا۔ انہوں نے ڈرائیوروں اور وہاں موجود لوگوں سے بات کی اور ان کے ساتھ تصاویر بھی کھنچوائیں۔ راہل گاندھی نے بس ڈرائیوروں سے بات کی اور ان کے مسائل سننے کے بعد انہیں مدد کی یقین دہانی کرائی۔
नेता विपक्ष श्री @RahulGandhi ने DTC बस में यात्रा की और ड्राइवर, कंडक्टर व मार्शल से मुलाकात कर उनकी समस्याएं सुनीं।
— Congress (@INCIndia) August 28, 2024
जननायक हर उस वर्ग से मिलकर उनकी आवाज बुलंद कर रहे हैं, जिनका देश के विकास में महत्वपूर्ण योगदान है।
📍 सरोजिनी नगर बस डिपो, नई दिल्ली pic.twitter.com/ZvjJmarUSP
راہل گاندھی بدھ کو سروجنی نگر ڈپو پہنچے۔ انھوں نے ٹکٹ لے کر بس میں سفر کیا۔ اس کے ساتھ ہی انہوں نے بس ڈپو میں بس ڈرائیوروں کے مسائل سنے اور ان کے حل کی یقین دہانی کرائی۔ کانگریس پارٹی نے ڈی ٹی سی بس میں سفر کرتے ہوئے راہل گاندھی کی تصاویر بھی شیئر کی ہیں۔ آپ کو بتا دیں کہ راہل گاندھی ایک ماہ قبل نئی دہلی ریلوے اسٹیشن پہنچے تھے۔ انھوں نے ریلوے اسٹیشن پر لوکو پائلٹ سے بات کی تھی۔
لوکو پائلٹ نے راہل گاندھی کو اپنے مسائل بتائے تھے، جس میں انہوں نے کہا تھا کہ ریلوے میں لوکو پائلٹ کی بہت زیادہ کمی ہے۔ خالی آسامیوں پر بھرتی نہیں ہو رہی ہے جس کی وجہ سے انہیں چھٹی نہیں مل رہی۔ مناسب آرام نہ ہونے کی وجہ سے ٹرین حادثات بھی ہو رہے ہیں۔
یہ بھی پڑھیں:
