نئی دہلی: لوک سبھا کا بجٹ اجلاس جاری ہے۔ وزیر خزانہ نرملا سیتا رمن نے 23 جولائی کو مالی سال 2024-25 کے لیے لگاتار اپنا ساتواں بجٹ پیش کیا۔ اس پر ایوان میں بحث جاری ہے۔ دریں اثنا، لوک سبھا میں قائد حزب اختلاف راہل گاندھی نے منگل کو بی جے پی کے رکن پارلیمنٹ انوراگ ٹھاکر پر مرکزی بجٹ پر بحث کے دوران لوک سبھا میں ان کے بدسلوکی اور ان کی توہین کرنے کا الزام لگایا۔ اسی کے ساتھ انہوں نے کہا کہ انہیں ان سے معافی نہیں چاہیے۔
انوراگ ٹھاکر نے راہل گاندھی پر طنز کرتے ہوئے کہا کہ جن کی ذات معلوم نہیں وہ ذات پر مبنی مردم شماری کی بات کرتے ہیں۔ ان کے اس متنازع بیان پر کانگریس لیڈر راہل گاندھی نے کہا کہ جو بھی قبائلیوں، دلتوں اور پسماندہ لوگوں کے مسائل کو اٹھاتا ہے، اس کے ساتھ زیادتی کی جاتی ہے۔
VIDEO | Monsoon Session: “Those whose caste is not known, talks about the caste census. I want to remind the Speaker that in this House itself, a former prime minister RG-1 had opposed reservation for OBCs,” says BJP MP Anurag Thakur (@ianuragthakur) in Lok Sabha.
— Press Trust of India (@PTI_News) July 30, 2024
“You can… pic.twitter.com/MPaFnDECB8
بجٹ پر بحث کے دوران، بی جے پی کے رکن پارلیمنٹ انوراگ ٹھاکر نے ایوان میں کہا، "جو لوگ اپنی ذات نہیں جانتے، وہ ذات کی مردم شماری کی بات کرتے ہیں۔ میں اسپیکر کو یاد دلانا چاہتا ہوں کہ اسی ایوان میں سابق وزیر اعظم آر جی -1 ( راجیو گاندھی) نے او بی سی ریزرویشن کی مخالفت کی تھی۔
ذات پر مبنی مردم شماری کرائیں گے: راہل گاندھی
راہل گاندھی نے ملک کے عوام سے وعدہ کیا تھا کہ اگر مرکز میں انڈیا اتحاد کی مخلوط حکومت بنتی ہے تو وہ پورے ملک میں ذات پر مبنی مردم شماری کرائیں گے۔ انہوں نے ایوان میں اپنا وعدہ دہرایا۔ انہوں نے کہا کہ آپ میری جتنی چاہیں توہین کریں لیکن ہم ذاتوں کی مردم شماری کا بل پارلیمنٹ میں پاس کرائیں گے۔
انوراگ ٹھاکر کی وضاحت
انوراگ ٹھاکر نے بعد میں کہا کہ انہوں نے اپنے ریمارکس میں کسی کا نام نہیں لیا۔ بی جے پی رکن پارلیمنٹ نے کہا کہ میں نے کہا تھا کہ جو اپنی ذات کے بارے میں نہیں جانتا، وہ ذاتوں کی مردم شماری کی بات کرتا ہے۔ میں نے کسی کا نام نہیں لیا۔
12 اگست تک بجٹ اجلاس
آپ کو بتاتے چلیں کہ 22 جولائی کو شروع ہونے والے بجٹ اجلاس میں 16 نشستیں ہوں گی اور اس کے 12 اگست کو ختم ہونے کا امکان ہے۔ وزیر خزانہ نرملا سیتا رمن نے لگاتار ساتواں بجٹ پیش کیا۔ اس کے ساتھ انہوں نے سب سے زیادہ بجٹ پیش کرنے کا سابق وزیر اعظم مرار جی ڈیسائی کا ریکارڈ توڑ دیا۔
اس سے قبل کانگریس نے وزیر خزانہ نرملا سیتارامن کے ذریعہ پیش کردہ مرکزی بجٹ میں اپوزیشن کی حکومت والی ریاستوں کے خلاف امتیازی سلوک کا الزام لگایا اور کہا کہ ان کی بجٹ تقریر میں صرف دو ریاستوں کے لیے پروجیکٹوں کا ذکر کیا گیا تھا۔
یہ بھی پڑھیں: بجٹ نے ٹیکس دہشت گردی کو روکنے کے لئے کچھ نہیں کیا: راہل گاندھی
لگتا ہے یہ حکومت ریل حادثات اور پیپر لیک میں ریکارڈ بنانا چاہتی ہے، مرکز پر اکھلیش یادو کا طنز
