سورت: گجرات کی سورت پولیس کے اسپیشل آپریشن گروپ نے شہر میں 16 فرضی ڈاکٹروں کو گرفتار کیا ہے۔ یہ ڈاکٹر بغیر کسی ڈگری کے میڈیکل پریکٹس کر رہے تھے۔ پولیس نے ان جعلی ڈاکٹروں کے کلینک سے ادویات کا ذخیرہ بھی قبضے میں لے لیا۔ جعلی ڈاکٹروں کے خلاف مہم میں ایس او جی کی چار مختلف ٹیموں نے شہر کے متعدد علاقوں میں کارروائیاں کیں۔
آپریشن کے دوران ایس او جی نے پانڈیسرا علاقے سے 9 اور ڈنڈولی علاقے سے 7 ڈاکٹروں کو گرفتار کیا۔ یہ جعلی ڈاکٹر بغیر کسی میڈیکل ڈگری یا لائسنس کے بطور ڈاکٹر پریکٹس کر رہے تھے۔ چھاپے کے دوران پولیس کو مریضوں کی قطاریں نظر آئیں اور یہ ڈاکٹر 100 سے 200 روپے تک وصول کر رہے تھے اور پیشہ ور ڈاکٹروں کی طرح ان کا علاج کر رہے تھے۔ ان فرضی ڈاکٹروں کے خلاف شکایت درج کرائی گئی ہے۔ اب تمام کے خلاف قانونی کارروائی شروع کر دی گئی ہے۔
سورت پولیس کا آپریشن:
سورت ایس او جی پولس نے کل 16 فرضی ڈاکٹروں کو گرفتار کیا ہے، جن میں سے 9 پانڈیسرا علاقے سے اور 7 ڈنڈولی علاقے سے ہیں۔ اس سلسلے میں سورت ایس او جی پولیس کے پی آئی جے ٹی سونارا نے بتایا کہ ایس او جی پولیس کی جانب سے ان لوگوں کو گرفتار کرنے کے لیے مہم شروع کی گئی ہے جو شہر میں بنا کسی میڈیکل ڈگری کے ڈاکٹربن کر لوگوں کی زندگیوں سے کھیل رہے ہیں۔ جس میں ہماری مختلف ٹیمیں بنائی گئیں۔ ٹیموں کی جانب سے شہر کے پانڈیسرا اور ڈنڈولی علاقوں میں واقع کلینک پر تلاشی مہم چلائی گئی۔
16 فرضی ڈاکٹر پکڑے گئے:
پانڈیسرا اور ڈنڈولی علاقوں سے کل 16 فرضی ایم بی بی ایس ڈاکٹر پکڑے گئے۔ ان سب کے اپنے کلینک تھے اور بغیر کسی پریسکریپشن کے مریضوں کو دوائیں اور انجیکشن دیتے تھے۔ اس سے پہلے پکڑے گئے تمام جعلی ڈاکٹر دوسرے اسپتال میں کام کرتے تھے اور اپنے علم اور تجربے سے اپنے کلینک کھول چکے تھے۔ گرفتار ڈاکٹروں سے انجکشن اور ادویات بھی برآمد ہوئی ہیں۔
یہ بھی پڑھیں:
