ممبئی: وزیراعلیٰ ایکناتھ شندے کے نام پر جعلی دستخط کا معاملہ سامنے آیا ہے۔ میرین ڈرائیو پولیس اسٹیشن میں شکایت درج کرائی گئی۔ اس معاملے میں میرین ڈرائیو پولیس اسٹیشن میں نامعلوم شخص کے خلاف مقدمہ درج کیا گیا ہے۔ وزیر اعلی کے سکریٹریٹ کے نوٹس میں آیا ہے کہ وزیر اعلی کے دفتر میں کارروائی کے لیے موصول ہونے والے کچھ بیانات پر وزیر اعلی ایکناتھ شندے کے جعلی دستخط اور مہر ہیں۔
- میرین ڈرائیو پولس اسٹیشن میں شکایت درج
اس سلسلے میں میرین ڈرائیو پولس اسٹیشن میں شکایت درج کرائی گئی ہے۔ میرین ڈرائیو پولیس اسٹیشن کے سینئر پولیس انسپکٹر نیلیش باگل نے بتایا کہ اس معاملے میں ایک کیس درج کیا گیا ہے۔ سی ایم او کے ایک بیان کے مطابق یہ شکایت میرین لائن پولیس اسٹیشن میں درج کرائی گئی ہے۔ سی ایم او کا کہنا ہے کہ، "سی ایم او کو میمورنڈم اور خطوط موصول ہوتے ہیں جن پر وزیر اعلیٰ کے دستخط ہوتے ہیں جن میں مزید کارروائی کے لیے تبصرے ہوتے ہیں۔" میرین ڈرائیو پولیس اسٹیشن میں نامعلوم شخص کے خلاف آئی پی کی دفعات 420، 465، 468، 471 اور 473 کے تحت مقدمہ درج کیا گیا ہے۔
- قصورواروں کے خلاف سخت کارروائی کی جائے گی: نائب وزیر اعلیٰ اجیت پوار
سینئر پولیس انسپکٹر نیلیش باگل کو میرین ڈرائیو پولیس اسٹیشن کے عملے نے بتایا ہے کہ وزیر اعلیٰ سکریٹریٹ کو موصول ہونے والے دس سے بارہ بیانات پر وزیر اعلیٰ کے دستخط اور مہر مشکوک اور جعلی ہیں۔ اس نے یہ معاملہ اپنے اعلیٰ افسران کے علم میں لایا۔ وزیر اعلیٰ نے اسے سنجیدگی سے لیا ہے۔ پولس اس پورے معاملے کی جانچ میں مصروف ہے۔ نائب وزیر اعلیٰ اجیت پوار نے یقین دلایا ہے کہ قصورواروں کے خلاف سخت کارروائی کی جائے گی۔
- احتیاط سے کام لینے کی ہدایت:
وزیر اعلیٰ نے اسے سنجیدگی سے لیا ہے اور فوری طور پر پولیس میں شکایت درج کرنے کی ہدایت دی ہے۔ وزیراعلیٰ نے دفتری عملے کو بھی زیادہ احتیاط سے کام کرنے کی ہدایت کی ہے۔
یہ بھی پڑھیں:
