تیسرے مرحلے میں 61 فیصد سے زیادہ پولنگ، مہاراشٹر میں سب سے کم ووٹنگ - LOK SABHA ELECTION 2024

لوک سبھا انتخابات 2024 کے تیسرے مرحلے میں آج 10 ریاستوں اور مرکز کے زیر انتظام دو علاقوں دادرا اور نگر حویلی اور دمن اور دیو سمیت 93 حلقوں میں ووٹ ڈالے گئے۔ اس مرحلے میں وزیر اعظم نریندر مودی، وزیر داخلہ امت شاہ، کانگریس کے سربراہ ملکارجن کھرگے، این سی پی (ایس پی) کے سپریمو شرد پوار سمیت ملک کے دیگر سرکردہ سیاست دانوں نے اپنا ووٹ ڈالا۔

الیکشن کمیشن نے تیسرے مرحلے کے لیے تقریباً ووٹر ٹرن آؤٹ جاری کر دیا ہے۔ لوک سبھا انتخابات کے تیسرے مرحلے میں شام 7:40 بجے تک الیکشن کمیشن آف انڈیا کے اعداد و شمار کے مطابق تقریباً 61 فیصد سے زیادہ ووٹ ڈالے گئے۔ کمیشن کی جانب سے آئندہ 24 گھنٹوں میں حتمی ٹرن آؤٹ جاری کیے جانے کی امید ہے۔

قابل ذکر ہے کہ 96.88 کروڑ رجسٹرڈ ووٹرز کے ساتھ دنیا کی سب سے بڑی انتخابی عمل میں سات مراحل میں سے تین مکمل ہو چکے ہیں۔ چوتھا مرحلہ 13 مئی کو، پانچواں مرحلہ 20 مئی، چھٹا مرحلہ 25 مئی اور ساتواں مرحلہ یکم جون کو ہوگا۔ ووٹوں کی گنتی 4 جون کو ہوگی۔

سات مرحلوں پر مشتمل لوک سبھا انتخابات 2024 کے تیسرے مرحلے میں ووٹنگ منگل کی شام کو ختم ہوگئی۔ پولنگ حکام نے 10 ریاستوں اور مرکز کے زیر انتظام دو علاقوں میں ہزاروں پولنگ اسٹیشنوں پر ای وی ایم کو سیل کرنا شروع کردیا ہے۔ شام 5 بجے تک جن ریاستوں میں زیادہ ووٹ ڈالے گئے، ان میں آسام (74.86%)، مغربی بنگال (73.93%) اور گوا (72.52%) شامل ہیں۔ مہاراشٹر میں شام 5 بجے تک سب سے کم ووٹنگ 53.40 فیصد ریکارڈ کی گئی۔

الیکشن کمیشن کے مطابق تیسرے مرحلے میں شام 5 بجے مجموعی طور پر 60.19 فیصد ووٹنگ رہی ہے۔ آسام میں سب سے زیادہ جبکہ مہاراشٹر میں ووٹنگ کی شرح سب سے کم درج کی گئی ہے۔

بھارتی کرکٹر رویندرا جڈیجہ اپنی اہلیہ ریوبا جڈیجہ کے ساتھ جام نگر، گجرات میں ووٹ ڈالنے پہنچ گئے۔

کانگریس پارلیمانی پارٹی کی چیئرپرسن سونیا گاندھی نے کہا آج ملک کے کونے کونے میں نوجوانوں کو بے روزگاری کا سامنا ہے، خواتین کو مظالم کا سامنا ہے، دلت، قبائلی، پسماندہ طبقات اور اقلیتیں خوفناک امتیازی سلوک کا سامنا کر رہی ہیں۔ یہ ماحول وزیر اعظم نریندر مودی اور بی جے پی کے ارادوں کی وجہ سے ہے۔ ان کی توجہ صرف کسی بھی قیمت پر اقتدار حاصل کرنے پر ہے۔انہوں نے سیاسی فائدے کے لیے نفرت کو فروغ دیا ہے۔کانگریس پارٹی اور میں نے ہمیشہ سب کی ترقی، محروموں کو انصاف اور ملک کو مضبوط کرنے کے لیے جدوجہد کی ہے۔ کانگریس اور انڈیا کا اتحاد آئین اور جمہوریت کے تحفظ کے لیے وقف ہے۔سب کے روشن مستقبل کے لیے کانگریس کو ووٹ دیں اور آئیں مل کر ایک مضبوط اور متحد ہندوستان بنائیں۔

لوک سبھا انتخابات 2024 کے تیسرے مرحلے میں سہ پہر تین بجے تک 3 بجے تک 50.71 فیصد ووٹنگ رہی۔ جس میں مہاراشٹر میں سب سے کم ووٹنگ کی شرح درج کی گئی جبکہ مغربی بنگال میں ووٹنگ کی شرح سب سے زیادہ رہی ہے۔

مغربی بنگال کے مالدہ کے راجدول میں خواتین نے اپنے علاقے میں ترقی نہ ہونے کے خلاف احتجاج میں ووٹنگ کا بائیکاٹ کردیا۔ حبیب پور بلاک کے منگل پور گرام پنچایت کے گاؤں والوں نے رادھا کانت پور پرائمری اسکول کے بوتھ نمبر 122 کے باہر پوسٹر لے کر احتجاج کیا۔ انہوں نے الزام لگایا کہ اس دور میں بھی ان کے پاس گاؤں میں کچے کی سڑکیں ہیں جو مانسون کے دوران دلدل میں تبدیل ہو جاتی ہیں، اس گاؤں میں 1350 ووٹر ہیں۔

مدھیہ پردیش کے بھوپال میں چیف الیکٹورل آفیسر انوپم راجن نے کہا کہ بِھنڈ میں فائرنگ کا واقعہ سامنے آیا ہے۔ یہ آپسی جھگڑے کی وجہ سے ہوا ہے، یہ پولنگ اسٹیشن سے 400 میٹر کے فاصلے پر ہوا۔ اس کا الیکشن سے کوئی تعلق نہیں۔ گُنا سے خبر آئی کہ ایک بوتھ پر 11 ووٹ ڈالے گئے اور ای وی ایم میں 50 ووٹ دکھے۔ کلکٹر نے پریزائیڈنگ آفیسر اور پولنگ ایجنٹس سے اس بارے میں پوچھ گچھ کی۔ یہ بھی خبر غلط ہے۔

آسام: 45.88 فیصد

بہار: 36.69 فیصد

چھتیس گڑھ: 46.14 فیصد

دادرہ اور نگر حویلی اور دامن اور دیو: 39.64 فیصد

گوا: 49.04 فیصد

گجرات: 37.83 فیصد

کرناٹک: 41.59 فیصد

مدھیہ پردیش: 44.67 فیصد

مہاراشٹر: 31.55 فیصد

اتر پردیش: 38.12 فیصد

مغربی بنگال: 49.27 فیصد

پرناو اڈانی منیجنگ ڈائریکٹر (ایگرو، آئل اینڈ گیس) اڈانی گروپ نے ٹویٹ کرتے ہوئے لکھا کہ "بھارت کے انتخابات صرف دنیا کے سب سے بڑے انتخابات نہیں ہیں، یہ تنوع اور اتحاد کا ایک قابل ذکر نمائش ہے، جہاں ہر ووٹ کا شمار ہوتا ہے۔ میں نے صرف اپنا آئینی فرض پورا کرتے ہوئے ووٹ دیا ہے۔ اب آپ کی باری ہے آپ بھی ووٹ ضرور کریں۔"

چھتیس گڑھ کے بلرام پور کے سملی میں ایک پولنگ اسٹیشن پر ایک خاندان کی پانچ نسلوں نے ایک ساتھ ووٹ ڈالا۔

گجرات کے ناڈیاڈ میں معزور ووٹر انکت سونی پولنگ بوتھ پر اپنے پیروں سے ووٹ ڈالا۔ ان کا کہنا ہے کہ میں 20 سال قبل بجلی کے جھٹکے سے اپنے دونوں ہاتھ کھو چکا ہوں۔ اپنے اساتذہ اور گرو کے دعاؤں اور مہربانی سے میں نے گریجویشن کیا، میں لوگوں سے اپیل کرتا ہوں کہ اپنا ووٹ ضرور دیں۔

مغربی بنگال کے لوک سبھا حلقہ کے پولنگ بوتھ پر مرشد آباد سے سی پی آئی (ایم) کے امیدوار محمد سلیم اور ٹی ایم سی کے حامیوں کے درمیان زبانی بحث ہوا۔

کانگریس کے سابق رہنما آچاریہ پرمود کرشنم نے اتر پردیش کے سنبھل میں ایک پولنگ بوتھ پر اپنا ووٹ ڈالا۔ سنبھل لوک سبھا سیٹ سے بی جے پی کے پرمیشور لال سینی کا مقابلہ سماج وادی پارٹی کے ضیاء الرحمان برک سے ہے۔

چھتیس گڑھ کے سابق وزیر اعلی اور راج ناندگاؤں لوک سبھا سیٹ سے کانگریس کے امیدوار بھوپیش بگھیل اپنے خاندان کے ساتھ پٹن کے پولنگ بوتھ پر ووٹ ڈالنے پہنچے۔ وہ راج ناندگاؤں سیٹ سے بی جے پی کے موجودہ ایم پی اور امیدوار سنتوش پانڈے سے مقابلہ کر رہے ہیں۔

چھتیس گڑھ کے سرگوجا میں، سابق نائب وزیر اعلی اور کانگریس لیڈر ٹی ایس سنگھ دیو نے امبیکاپور کے ایک پولنگ بوتھ پر اپنا ووٹ ڈالا۔ سرگوجا سیٹ پر بی جے پی کے چنتامنی مہاراج کا مقابلہ کانگریس کے ششی سنگھ کورم سے ہے۔

گوا کے سی ایم پرمود ساونت نے آج شمالی گوا کے کوتھمبی میں ایک پولنگ بوتھ پر اپنا ووٹ ڈالا۔

کرناٹک میں بی جے پی سے کنارہ کرنے والے لیڈر کے ایس ایشورپا اور ان کے خاندان نے شیموگا میں اپنا ووٹ ڈالا۔ وہ شیموگہ حلقہ سے آزاد امیدوار کے طور پر الیکشن لڑ رہے ہیں۔ بی جے پی سے ایم پی بی وائی میدان میں ہیں۔ جبکہ کانگریس نے گیتا شیوراج کمار کو میدان میں اتارا ہے۔

بھارتی کرکٹر رویندرا جڈیجا کی بہن نینا جڈیجا اور والد انیرودھ سنگھ جڈیجا نے جام نگر کے ایک پولنگ بوتھ پر اپنا ووٹ ڈالا۔ یہاں سے بی جے پی کی موجودہ ایم پی پونم بین ماڈم کانگریس کے جے پی ماراویہ سے مقابلہ کر رہی ہیں۔

کانگریس لیڈر ممتاز پٹیل نے گجرات کے بھروچ میں ایک پولنگ بوتھ پر اپنا ووٹ ڈالا۔ بی جے پی کے موجودہ ایم پی منسکھ بھائی وساوا عام آدمی پارٹی کے چترا وساوا سے مقابلہ کر رہے ہیں۔

لوک سبھا الیکشن 2024 کے تیسرے مرحلے کے لیے 11 بجے تک 25.41 فیصد ووٹنگ

آسام: 27.34 فیصد

بہار: 24.41 فیصد

چھتیس گڑھ: 29.90 فیصد

دادرہ اور نگر حویلی اور دمن اور دیو: 24.69 فیصد

گوا: 30.94 فیصد

گجرات: 24.48 فیصد

کرناٹک: 24.48 فیصد

مدھیہ پردیش: 30.21 فیصد

مہاراشٹر: 18.18 فیصد

اتر پردیش: 26.12 فیصد

مغربی بنگال: 32.82 فیصد

اڈانی گروپ کے چیئرمین گوتم اڈانی نے احمد آباد کے ایک پولنگ بوتھ پر لوک سبھا الیکشن 2024 کے لیے اپنا ووٹ ڈالا۔

اتر پردیش میں سماج وادی پارٹی کی رکن پارلیمنٹ اور مین پوری سے امیدوار ڈمپل یادو نے ووٹ ڈالنے کے بعد کہا کہ ہر طبقے کے لوگ نظر انداز ہونے کا احساس کر رہے ہیں۔ بے روزگاری اور مہنگائی مسلسل بڑھ رہی ہے۔ اس کے ساتھ ساتھ بین الاقوامی منڈی میں روپے کی قیمت میں مسلسل کمی ہورہی ہے۔ مجھے لگتا ہے کہ بھارتیہ جنتا پارٹی میں ایک بڑی کمی اور ایک بڑی خامی ہے۔ میرے خیال میں یہ سیاسی نظریے کی لڑائی ہے، آئین کے تحفظ کی لڑائی ہے، جمہوریت کے تحفظ کی لڑائی ہے۔

سماج وادی پارٹی (ایس پی) کے سربراہ اکھلیش یادو، ان کی اہلیہ اور مین پوری لوک سبھا سیٹ سے ایس پی امیدوار ڈمپل یادو لوک سبھا انتخابات 2024 کے لیے اتر پردیش کے سیفئی میں ایک پولنگ بوتھ پر اپنا ووٹ ڈالا۔

بہار کے سپول میں ایک پولنگ بوتھ پر ایک پریزائیڈنگ افسر کی مبینہ طور پر دل کا دورہ پڑنے سے موت ہو گئی۔ اس کی شناخت شیلیندر کمار کے طور پر ہوئی ہے۔ ان کا معائنہ کرنے والے ڈاکٹر نے بتایا کہ صبح ان کی طبیعت بگڑ گئی۔ جہاں وہ تعینات تھے۔ انہیں پی ایچ سی لے جایا گیا جہاں مردہ قرار دے دیا گیا۔ لاش کو پوسٹ مارٹم کے لیے صدر اسپتال لایا گیا ہے۔ ان کے رشتہ داروں کو اطلاع دے دی گئی ہے۔ معلوم چلا کہ وہ شوگر کے مریض تھے۔

کانگریس کے قومی صدر ملکارجن کھرگے نے کلبرگی کے گنڈوگورتھی گاؤں کے ایک پولنگ اسٹیشن پر اپنا ووٹ ڈالا۔ کانگریس نے رادھا کرشن کو کلبرگی حلقہ سے اور بی جے پی نے امیش جادھو کو میدان میں اتارا ہے۔ اس موقع پر انہوں نے کہا کہ "تمام تاجر اور غریب لوگ مل کر اس بار کانگریس کو جتائیں گے۔ لوگ افسوس کررہے ہیں کہ انہوں نے پچھلی بار غلطی کی تھی اور وہ کانگریس پارٹی کو بھاری اکثریت سے منتخب کریں گے..."

مدھیہ پردیش کے ودیشا لوک سبھا حلقہ میں ایک پولنگ بوتھ پر ووٹ ڈالنے کے لیے پہنچی خواتین ووٹر لوک گیت گا رہی ہیں۔

این سی پی (شرد پوار گُٹ) کی رکن پارلیمنٹ اور بارامتی لوک سبھا سیٹ سے امیدوار سپریہ سولے نے لوک سبھا انتخابات 2024 کے لئے مہاراشٹر کے بارامتی میں ایک پولنگ بوتھ پر اپنا ووٹ ڈالا۔ ووٹ ڈالنے کے بعد انہوں نے اپنی سیاہی والی انگلی دکھائی۔ این سی پی نے مہاراشٹر کے نائب وزیر اعلی اجیت پوار کی اہلیہ سنیترا پوار کو بارامتی سے میدان میں بنایا ہے۔

لوک سبھا الیکشن 2024 کے تیسرے مرحلے کے لیے صبح 9 بجے تک 11.02 فیصد ووٹنگ

آسام 10.12 فیصد

بہار 10.03 فیصد

چھتیس گڑھ 13.24 فیصد

دادرہ اور نگر حویلی اور دمن اور دیو 10.13 فیصد

گوا 12.35 فیصد

گجرات 9.87 فیصد

کرناٹک 9.45 فیصد

مدھیہ پردیش 14.22 فیصد

مہاراشٹر 6.64 فیصد

اتر پردیش 11.63 فیصد

مغربی بنگال 14.60 فیصد

اتر پردیش کی گورنر آنندی بین پٹیل نے شیلج پرائمری اسکول میں اپنا ووٹ ڈالا۔ اس موقع پر انہوں نے کہا کہ "اپنا ووٹ ڈالنا ہر کسی کی ذمہ داری ہے۔ ووٹروں کو اپنے حق رائے دہی کا استعمال کرنا چاہیے اور بھارت کو 'وشوا گرو' بنانے میں اپنا حصہ ڈالنا چاہیے..."

احمدآباد پولنگ بوتھ پر ووٹ ڈالنے آئے پی ایم مودی کو سیا پٹیل نے اپنا بنایا ہوا پورٹریٹ پیش کیا۔ اس موقع پر انہوں نے کہا کہ "میں نے ان سے آٹوگراف مانگا تھا۔ میں اس دن کا انتظار کر رہی تھی۔ میں اسے الفاظ میں بیان نہیں کر سکتی۔ انہوں نے مجھے صرف آٹوگراف دیا، میں آج بہت خوش ہوں۔ جب سے میں نے پورٹریٹ بنایا تھا میں اس دن کا انتظار کر رہی تھی۔"

آسام کے دھبری گھاٹ کے ووٹر، تیسرے مرحلے کے دوران ووٹ ڈالنے کے لیے پولنگ بوتھ پر پہنچنے کے لیے کشتیوں کا استعمال کرتے ہوئے۔

اداکار رتیش دیش مکھ اور ان کی اہلیہ جینیلیا دیش مکھ نے لاتور میں ایک پولنگ بوتھ پر ووٹ ڈالا۔ این ڈی اے نے موجودہ ایم پی سدھاکر توکارام شرنگرے کو انڈیا الائنس کے کالگے شیواجی بندپا کے خلاف میدان میں اتارا ہے۔

اداکار رتیش دیش مکھ نے کہا کہ "میں اپنا ووٹ ڈالنے کے لیے ممبئی سے لاتور آیا ہوں۔ ہر کسی کو اپنے گھروں سے باہر نکل کر ووٹ ڈالنا چاہیے۔ آج ایک اہم دن ہے۔ ہر ایک کو ضرور ووٹ دینا چاہیے..." رتیش کی اہلیہ اداکارہ جینیلیا دیش مکھ نے کہا کہ "یہ ایک اہم دن ہے اور میرے خیال میں آج سب کو اپنا ووٹ ڈالنا چاہیے..."

جام نگر سے بی جے پی ایم ایل اے، ریوابا جڈیجہ نے لوک سبھا الیکشن 2024 کے تیسرے مرحلے کے لیے پولنگ اسٹیشن نمبر 122، پنڈت دین دیال ودیا بھون میں اپنا ووٹ ڈالا۔ کانگریس نے جے پی ماراویہ کو جام نگر لوک سبھا سیٹ سے اور بی جے پی نے پونم بین کو میدان میں اتارا ہے۔

این سی پی۔ایس سی پی سربراہ شرد پوار نے بارامتی کے ایک پولنگ بوتھ پر اپنا ووٹ ڈالا۔

این سی پی۔ایس سی پی نے بارامتی سیٹ سے سپریا سولے کو میدان میں اتارا ہے۔ جبکہ این سی پی نے بارامتی سے مہاراشٹر کے ڈپٹی سی ایم اجیت پوار کی بیوی سنیترا پوار کو میدان میں اتارا ہے۔

مہاراشٹر کے نائب وزیر اعلی اجیت پوار نے اپنا ووٹ ڈالا۔ اس موقع پر میڈیا سے بات کرتے ہوئے انہوں نے کہا کہ "یہ انتخاب بارامتی کی ترقی کے لیے ہے۔"

شولاپور: کانگریس کی شولاپور لوک سبھا سیٹ سے امیدوار پرنیتی شندے اور مہاراشٹر کے سابق وزیر اعلی سشیل کمار شندے نے شولاپور کے ایک پولنگ بوتھ پر اپنا ووٹ ڈالا۔ بی جے پی نے شولاپور سے رام وٹھل ستپوتے کو میدان میں اتارا ہے۔ یہاں سے بی جے پی کے ڈاکٹر جیسیدھیشور شیواچاریہ مہاسوامی جی موجودہ ایم پی ہیں۔ پرنیتی شندے نے کہا کہ، "میں گزشتہ 2 ماہ سے حلقے میں گھوم رہی ہوں، لوگوں میں بی جے پی کے تئیں غصہ ہے کیونکہ انھوں نے جو وعدے کیے تھے وہ پورے نہیں کیے... یہ میرا پہلا لوک سبھا انتخابات ہے... لوگوں نے میرا ساتھ دیا کیونکہ انہیں میرے کام پر یقین تھا..."

وزیر اعظم نریندر مودی احمد آباد میں ایک پولنگ بوتھ پر لوک سبھا انتخابات 2024 کے لیے ووٹ ڈالنے کے بعد لوگوں کو خوش آمدید کہتے ہیں۔ مرکزی وزیر داخلہ امت شاہ بھی موجود ہیں۔

وزیر اعظم نریندر مودی نے گجرات کے احمد آباد میں نشان ہائر سیکنڈری اسکول میں لوک سبھا الیکشن 2024 کے لیے اپنا ووٹ ڈالا۔

دس ریاستوں اور مرکز کے زیر انتظام دو علاقوں دادرا اور نگر حویلی اور دمن اور دیو میں تقریباً 93 حلقوں میں 2024 کے لوک سبھا انتخابات کے تیسرے مرحلے میں آج ووٹ ڈالے جا رہے ہیں۔ پی ایم مودی اور وزیر داخلہ امیت شاہ نے گاندھی نگر لوک سبھا سیٹ کے تحت احمد آباد شہر کے بوتھ پر اپنا ووٹ ڈالا۔