حیدرآباد: لوک سبھا انتخابات کے پہلے مرحلے میں 21 ریاستوں اور مرکز کے زیر انتظام علاقوں کی 102 نشستوں کے لیے 1625 امیدواروں نے کاغذات نامزدگی داخل کیے ہیں۔ سات مرحلوں پر مشتمل انتخابات کے پہلے مرحلے کے لیے ووٹنگ 19 اپریل کو ہوگی۔ کمیشن کی جانب سے پیر کو جاری کردہ اعلامیہ کے مطابق کاغذات نامزدگی کی جانچ پڑتال کے بعد 1625 امیدواروں کے کاغذات درست پائے گئے۔ ان میں 1491 مرد اور 134 خواتین امیدوار ہیں۔
وہیں الیکشن مانیٹرنگ آرگنائزیشن ایسوسی ایشن فار ڈیموکریٹک ریفارمز (اے ڈی آڑ) کے مطابق پہلے مرحلے میں 252 یا 16 فیصد امیدوار داغدار ہیں۔ انہوں نے اپنے خلاف درج فوجداری مقدمات کے بارے میں معلومات دی ہیں۔ رپورٹ کے مطابق 1618 امیدواروں میں سے 161 (10 فیصد) کے خلاف سنگین جرائم کے مقدمات درج ہیں۔
غور طلب ہو کہ اے ڈی آر اور نیشنل الیکشن واچ نے پہلے مرحلے میں مقابلہ کرنے والے 1625 امیدواروں میں سے 1618 کے حلف ناموں کا تجزیہ کیا ہے۔ پہلے مرحلے میں امیدواروں کے انتخاب میں سیاسی جماعتوں پر سپریم کورٹ کی ہدایات کا کوئی اثر نہیں ہوا۔ پارٹیوں نے پھر سے مجرمانہ پس منظر والے تقریباً 16 فیصد امیدواروں کو ٹکٹ دینے کی اپنی پرانی روایت برقرار رکھی ہے۔ سپریم کورٹ نے 13 فروری 2020 کو ہدایت کی تھی کہ فریقین کو مجرمانہ شبیہ والے امیدواروں کے انتخاب کی وجوہات بتانی ہوں گی۔
- سات امیدواروں کے خلاف قتل کا مقدمہ
رپورٹ کے مطابق سات امیدواروں کے خلاف آئی پی سی کی دفعہ 302 کے تحت قتل جیسے سنگین جرم کے مقدمات درج ہیں۔ جبکہ 19 امیدواروں نے اپنے خلاف اقدام قتل کے مقدمات کا اعلان کیا ہے۔ لوک سبھا انتخابات میں خواتین کی طاقت اور خواتین کو بااختیار بنانے پر فخر کرنے والی جماعتوں نے ایسے لیڈروں کو میدان میں اتارا ہے، جن پر خواتین کے خلاف مظالم کے مقدمات درج ہیں۔
اے ڈی آر کی رپورٹ کے مطابق پہلے مرحلے میں 18 امیدواروں نے خواتین کے خلاف جرائم کے بارے میں معلومات دی ہیں۔ ان میں سے ایک امیدوار کے خلاف عصمت دری کا مقدمہ درج کیا گیا ہے۔ ان سب کے علاوہ پہلے مرحلے میں 35 امیدوار الیکشن لڑ رہے ہیں جن کے خلاف اشتعال انگیز تقاریر کرنے پر مقدمات درج ہیں۔
- بی جے پی کے 77 میں سے 28 امیدوار داغدار ہیں
اے ڈی آر کی رپورٹ کے مطابق پہلے مرحلے میں مقابلہ کرنے والے بی جے پی کے 77 امیدواروں میں سے 28 (36 فیصد) کا مجرمانہ پس منظر ہے۔ وہیں کانگریس بھی داغدار لیڈروں کو ٹکٹ دینے میں پیچھے نہیں ہے۔
حزب اختلاف کی مرکزی جماعت کے 36 میں سے 13 امیدواروں (36 فیصد) نے اپنے خلاف فوجداری مقدمات کا اعلان کیا ہے۔ بہوجن سماج پارٹی (بی ایس پی) نے پہلے مرحلے میں 86 امیدوار کھڑے کیے ہیں، جن میں سے 11 داغدار ہیں۔
- بی جے پی کے 90 فیصد امیدوار کروڑ پتی ہیں
اے ڈی آر کی رپورٹ کے مطابق پہلے مرحلے میں مقابلہ کرنے والے 1618 امیدواروں میں سے 450 (28 فیصد) امیدوار کروڑ پتی ہیں۔ غور طلب ہو کہ حکمران بی جے پی کے 77 میں سے 69 (90 فیصد) امیدوار کروڑ پتی ہیں۔ اسی طرح 56 میں سے 49 (88 فیصد) کانگریس امیدواروں کے پاس ایک کروڑ روپے سے زیادہ کی جائیداد ہے۔
وہیں آر جے ڈی کے چاروں امیدوار کروڑ پتی ہیں۔ اے آئی اے ڈی ایم کے کے 36 امیدواروں میں سے 35 کروڑ پتی ہیں۔ ساتھ ہی ڈی ایم کے کے 22 میں سے 21 امیدواروں، ٹی ایم سی کے پانچ میں سے چار اور بی ایس پی کے 86 میں سے 18 امیدواروں نے اپنے اثاثوں کی مالیت ایک کروڑ روپے سے زیادہ بتائی ہے۔
اتر پردیش کی آٹھ نشستوں کے لیے 80 امیدواروں نے کاغذات نامزدگی داخل کیے ہیں، جن میں 73 مرد اور سات خواتین ہیں۔ اتراکھنڈ کی پانچ نشستوں کے لیے 55 امیدواروں نے کاغذات نامزدگی داخل کیے ہیں، جن میں سے 51 مرد اور چار خواتین ہیں۔
بہار کی چار نشستوں کے لیے 38 امیدواروں نے کاغذات نامزدگی داخل کیے ہیں، جن میں سے 35 مرد اور تین خواتین ہیں۔ چھتیس گڑھ میں ایک سیٹ کے لیے 11 امیدواروں نے کاغذات نامزدگی داخل کیے ہیں، جن میں سے سبھی مرد ہیں۔ جموں و کشمیر کی ایک نشست کے لیے 12 امیدواروں نے کاغذات نامزدگی داخل کیے ہیں، جن میں سے سبھی مرد ہیں۔ لکشدیپ میں ایک سیٹ کے لیے چار مرد امیدواروں نے کاغذات نامزدگی داخل کیے ہیں۔
مدھیہ پردیش کی چھ نشستوں کے لیے 88 امیدواروں نے کاغذات نامزدگی داخل کیے ہیں، جن میں سے 81 مرد اور سات خواتین ہیں۔ مہاراشٹر کی پانچ نشستوں کے لیے 97 امیدواروں نے کاغذات نامزدگی داخل کیے ہیں، جن میں 90 مرد اور سات خواتین ہیں۔ منی پور کی دو سیٹوں کے لیے 10 مرد امیدواروں نے کاغذات نامزدگی داخل کیے ہیں۔ میگھالیہ کی دو سیٹوں کے لیے 10 امیدواروں نے کاغذات نامزدگی داخل کیے ہیں، جن میں آٹھ مرد اور دو خواتین ہیں۔
میزورم کی ایک نشست کے لیے چھ امیدواروں نے کاغذات نامزدگی داخل کیے ہیں، جن میں پانچ مرد اور ایک خاتون ہیں۔
مغربی بنگال کی تین نشستوں کے لیے 37 امیدواروں نے کاغذات نامزدگی داخل کیے ہیں، جن میں سے 33 مرد اور چار خواتین ہیں۔
انڈمان اور نکوبار جزائر کی ایک نشست کے لیے 12 امیدواروں نے کاغذات نامزدگی داخل کیے ہیں، جن میں سے 10 مرد اور دو خواتین امیدوار ہیں۔ اروناچل پردیش کی دو نشستوں کے لیے 14 امیدواروں نے کاغذات نامزدگی داخل کیے ہیں، جن میں سے 13 مرد اور ایک خاتون امیدوار ہیں۔
آسام کی پانچ نشستوں کے لیے 33 امیدواروں نے کاغذات نامزدگی داخل کیے ہیں، جن میں 31 مرد اور چار خواتین امیدوار ہیں۔
ناگالینڈ کی ایک نشست کے لیے تین امیدواروں نے کاغذات نامزدگی داخل کیے ہیں، یہ تینوں مرد ہیں۔ پڈوچیری میں ایک نشست کے لیے 26 امیدواروں نے کاغذات نامزدگی داخل کیے ہیں، جن میں 23 مرد اور تین خواتین ہیں۔ تریپورہ میں ایک سیٹ کے لیے نو مرد امیدواروں نے کاغذات نامزدگی داخل کیے ہیں۔
یہ بھی پڑھیں:
- لوک سبھا انتخابات میں ٹی ایم سی کو مسلمانوں کی حمایت حاصل ہونے کا امکان
- کانگریس کے منشور سے ملک کا چہرہ بدل جائے گا: راہل گاندھی
راجستھان کی 12 نشستوں کے لیے 114 امیدواروں نے کاغذات نامزدگی داخل کیے ہیں، جن میں 102 مرد اور 12 خواتین ہیں۔ سکم کی ایک نشست کے لیے 14 امیدواروں نے کاغذات نامزدگی داخل کیے ہیں، جن میں سے 13 مرد اور ایک خاتون ہیں۔
تمل ناڈو کی 39 نشستوں کے لیے 950 امیدواروں نے کاغذات نامزدگی داخل کیے ہیں، جن میں 874 مرد اور 76 خواتین ہیں۔
یو این آئی مع مشمولات
