نئی دہلی: دہلی ایکسائز گھوٹالہ معاملے میں آج کیجریوال کی سی بی آئی حراست ختم ہو رہی ہے۔ آج ان کو دہلی کی راؤس ایونیو کورٹ میں پیش کیا جائے گا۔ آپ کو بتا دیں کہ 26 جون کو عدالت نے کیجریوال کو 29 جون تک سی بی آئی کی حراست میں بھیج دیا تھا۔ پیشی کے دوران سی بی آئی کے وکیل ڈی پی سنگھ نے عدالت کو بتایا تھا کہ کئی گواہوں کے بیانات ریکارڈ کئے گئے ہیں اس میں وضاحت بھی کی گئی ہے کہ کیجریوال سے ایک شخص برابر ملتا ہے۔
یہ اس پالیسی کے بننے سے پہلے بھی ہوا ہے۔ ڈی پی سنگھ نے مگنتا ریڈی کے بیانات کا ذکر کیا۔ ای ڈی نے پہلے بھی کہا تھا کہا کہ ٹرائل کورٹ نے اپنے فیصلے میں کیجریوال کو ضمانت دیدی ہے جہ کہ سراسر غلط ہے۔ اس کے بعد ہی دہلی ہائی کورٹ نے ان کو ضمانت نہیں دی تھی۔
10 مئی کو سپریم کورٹ نے اروند کیجریوال کو لوک سبھا انتخابات میں مہم چلانے کے لیے یکم جون تک عبوری ضمانت دی تھی اور انہیں 2 جون کو حاضر ہونے کا حکم دیا تھا۔ کیجریوال نے 2 جون کو سرینڈر کر دیا تھا۔ 21 جون کو، راؤس ایونیو کورٹ نے کیجریوال کو باقاعدہ ضمانت دی، جس پر دہلی ہائی کورٹ نے روک لگا دی ہے۔
یہ بھی پڑھیں:
