نئی دہلی/غازی آباد: بنگلہ دیش کی سابق وزیر اعظم شیخ حسینہ گزشتہ 18 گھنٹوں سے بھارت میں ہیں۔ بنگلہ دیش کے حالات خراب ہونے کے بعد وہ اپنا ملک چھوڑ کر بھارت آگئی ہیں۔ یہاں وہ غازی آباد کے ہنڈن ایئر بیس پر واقع انڈین ایئر فورس کے سیف ہاؤس میں قیام پزیر ہیں۔
ہنڈن ایئر فورس اسٹیشن کے باہر سیکورٹی بڑھا دی گئی ہے۔ شیخ حسینہ کا طیارہ پیر کی شام تقریباً 5:36 بجے ہنڈن ایئربیس پر اترا۔ ہنڈن ایئربیس کے باہر وی وی آئی پی کی نقل و حرکت بڑھ گئی ہے۔ ہنڈن ایئر فورس اسٹیشن کے مین گیٹ سے دو گاڑیاں اندر داخل ہوئی ہیں۔ دونوں گاڑیوں پر حکومت ہند لکھا ہوا تھا۔ تاہم دونوں گاڑیوں میں کون سے اہلکار موجود تھے اس بارے میں ابھی کوئی اطلاع موصول نہیں ہوئی ہے۔
#WATCH गाजियाबाद, उत्तर प्रदेश: गाजियाबाद के हिंडन एयरबेस पर सुरक्षा कड़ी की गई।
— ANI_HindiNews (@AHindinews) August 6, 2024
बांग्लादेश में भारी विरोध के बीच शेख हसीना ने बांग्लादेश की प्रधानमंत्री के पद से इस्तीफा दे दिया है और ढाका में अपना आवास छोड़ दिया है। शेख हसीना का हेलीकॉप्टर गाजियाबाद के हिंडन एयर बेस पर लैंड… pic.twitter.com/6zf24npgU7
بنگلہ دیش کا طیارہ واپس آگیا:
بنگلہ دیش کی سابق وزیر اعظم حسینہ شیخ کو بھارت لانے والا بنگلہ دیشی طیارہ صبح 9 بجے کے قریب اپنے ملک واپس چلا گیا ہے۔ معلومات کے مطابق شیخ حسینہ اور ان کی بہن ریحانہ اور دیگر اس وقت ہنڈن ایئر فورس اسٹیشن پر موجود ہیں۔ بنگلہ دیش میں انتشار اپنے عروج پر پہنچ چکا ہے اور امن و امان مکمل طور پر تباہ ہو چکا ہے۔ جس کی وجہ سے بنگلہ دیش کی جیلوں میں بند کئی قیدی فرار ہو گئے ہیں۔
آپ کو بتا دیں، بنگلہ دیش میں ریزرویشن کے لیے طلباء پچھلے دو ماہ سے احتجاج کر رہے ہیں۔ جس کی وجہ سے حالات بگڑ گئے تھے۔ یہ تحریک طلبہ تنظیموں کے بینر تلے اتوار کو شروع ہوئی جس میں وزیر اعظم شیخ حسینہ کے استعفے کی مانگ کی گئی اور پھر احتجاج شروع ہوگیا۔ لیکن حکمران جماعت عوامی لیگ کے حامیوں اور مظاہرین کے درمیان پرتشدد جھڑپیں ہوئیں، جس میں 100 سے زائد افراد ہلاک ہو گئے۔
یہ بھی پڑھیں:
