نئی دہلی: دہلی میں مبینہ شراب گھوٹالے کی تحقیقات کرنے والی مرکزی ایجنسی ای ڈی نے دہلی کے وزیر اعلی اروند کیجریوال کو دوبارہ سمن بھیجا ہے اور انہیں 26 فروری کو پوچھ تاچھ کے لیے بلایا ہے۔ اس سے پہلے ای ڈی نے کیجریوال کو چھ سمن بھیجے ہیں۔ پچھلے سمن میں ای ڈی نے کیجریوال کو 19 فروری کو پوچھ تاچھ کے لیے بلایا تھا۔ اس سے پہلے 31 جنوری کو ای ڈی نے سمن بھیج کر وزیر اعلیٰ کو 2 فروری کو طلب کیا تھا۔ لیکن اس کے باوجود وزیر اعلیٰ نہیں گئے، جس کے بعد ای ڈی نے راؤس ایونیو کورٹ میں درخواست داخل کی تھی اور عدالت سے مداخلت کی اپیل کی تھی۔ جب عدالت 17 فروری کو کیس کی سماعت کر رہی تھی تو کیجریوال ویڈیو کانفرنسنگ کے ذریعے پیش ہوئے اور بتایا کہ وہ اس وقت دہلی اسمبلی کے بجٹ اجلاس میں مصروف ہیں اور وہ اگلی سماعت میں ضرور پیش ہوں گے۔
اس کے ساتھ ہی ای ڈی کے سمن پر دہلی حکومت کے وزیر گوپال رائے نے کہا کہ جس طرح قانونی رائے لینے کے بعد جواب بھیجا گیا تھا، اسی طرح اس بار بھی ای ڈی کی طرف سے بھیجے گئے سمن پر قانونی رائے لی جائے گی اور پھر مناسب جواب دیا جائے گا۔" جمعرات کو ای ڈی نے شراب گھوٹالہ سے متعلق منی لانڈرنگ معاملے میں پوچھ تاچھ کے لیے دہلی کے وزیر اعلیٰ کو سمن بھیجا ہے۔ دہلی شراب گھوٹالہ میں اروند کیجریوال پر الزام ہے کہ شراب پالیسی سے متعلق مسودہ وزیر اعلیٰ اروند کیجریوال کے گھر پر بنایا گیا تھا اور پورا معاملہ ان کے علم میں ہے۔ دہلی حکومت کی شراب پالیسی میں گھوٹالے کی تحقیقات کرنے والی ای ڈی نے نومبر میں وزیر اعلی اروند کیجریوال کو پہلا سمن بھیجا تھا۔ اس کے بعد وزیر اعلی اروند کیجریوال نے ایک کے بعد ایک بھیجے گئے تمام سمن کو نظر انداز کر دیا ہے۔ ای ڈی کی طرف سے بھیجے گئے سمن کے بدلے میں انھوں نے اپنا تحریری جواب بھیجا تھا اور اسے سیاسی طور پر محرک بتایا تھا۔
سمن کا وزیر اعلی اروند کیجریوال کے ذریعہ تحریری جواب دینے کے باوجود ای ڈی جس طرح سے مسلسل سمن بھیج رہا ہے۔ اب کیجریوال کی مشکلات بڑھ سکتی ہیں۔ دہلی اسمبلی کا بجٹ اجلاس اس وقت جاری ہے۔ یہ اجلاس مارچ کے پہلے ہفتے تک جاری رہے گا۔ اس لیے اب ای ڈی نے 26 فروری کو پوچھ تاچھ کے لیے بلایا ہے۔ ایسے میں اب کیجریوال کیا فیصلہ لیتے ہیں اس پر سب کی نظریں لگی ہوئی ہیں۔
آپ کو بتا دیں کہ اس سے پہلے سی بی آئی شراب گھوٹالے میں کیجریوال سے پوچھ تاچھ کر چکی ہے۔ قبل ازیں ای ڈی کی طرف سے بھیجے گئے سمن کے جواب میں اروند کیجریوال کی قانونی ٹیم نے کہا تھا کہ وہ ہر قانونی سمن کو قبول کرنے کے لیے تیار ہیں۔ لیکن یہ سمن غیر قانونی ہے۔
یہ بھی پڑھیں:
