لکھنؤ: راہل گاندھی کی بھارت جوڑو نیائے یاترا منگل کو لکھنؤ سے گزرے گی۔ یاترا کے کے سی کالج، چارباغ، ناکہ چوراہا، رکاب گنج، راجہ بازار، کے جی ایم یو اور چرک چوراہے سے ہوتی ہوئی موہن لال گنج سے دوپہر ایک بجے گھنٹاگھر پہنچے گی۔ راہل گاندھی یہاں جلسہ عام سے خطاب کریں گے۔ اس کے بعد وہ ٹھاکر گنج، بالا گنج، اودھ اسپتال چوراہے سے ہوتے ہوئے بنتھرا پہنچیں گے۔ اس کے بعد یاترا رائے بریلی کے لیے روانہ ہوگی۔
کانگریس کے ضلع صدر وید پرکاش ترپاٹھی نے کہا کہ راہل گاندھی کی قیادت میں بھارت جوڑو نیائے یاترا 20 فروری بروز منگل دارالحکومت لکھنؤ میں داخل ہوگی۔ اس سے قبل راہل گاندھی رائے بریلی اور لکھنؤ سرحد پر واقع ٹول پلازہ پر ایک پریس کانفرنس سے بھی خطاب کریں گے۔
انہوں نے مزید کہا کہ اس کے بعد یہ سفر نگوہہ ٹول رائے بریلی روڈ سے شروع ہو کر دوپہر کو مداکھیڑا مندر، موہن لال گنج، کالی بازار، کالندی پارک موڑ اترٹھیا، تیلی باغ (شانی مندر) سے ہوتے ہوئے کے کے سی چارباغ (ریلوے اسٹیڈیم چارباغ) پہنچے گی۔
یہ بھی پڑھیں:
- راہل گاندھی کی ہتک عزت کے ایک معاملے میں ضمانت منظور
- صدر جمہوریہ کو رام مندر افتتاحی تقریب میں مدعو نہ کرنا دلت و پسماندہ ذات کی توہین: راہل گاندھی
ضلع صدر نے مزید کہا کہ یاترا نتھا ہوٹل موڑ سے ناکا چوراہے، دوگاوا، رکاب گنج چوراہے، راجا بازار، میڈیکل کالج چوراہے، چرک چوراہے، چوک چوراہے سے ہوتی ہوئی گھنٹاگھر پہنچے گی۔ یہاں راہل گاندھی جلسہ عام سے خطاب کریں گے۔ ضلع صدر نے کہا کہ یاترا ٹھاکر گنج، بالا گنج، دبگہ تیراہا اور بدھیشور اوور برج سے گزرے گی۔ کل یہ یاترا پرتاپ گڑھ کے راستے امیٹھی پہنچی تھی۔ جہاں جلسہ عام کے دوران راہل گاندھی نے بی جے پی حکومت کو نشانہ بنایا تھا۔
