جے پور: وزیر اعظم نریندر مودی کی نقل کرکے اپنا نام بنانے والے مزاحیہ اداکار شیام رنگیلا نے بدھ کو اعلان کیا کہ وہ وارانسی سے پی ایم مودی کے خلاف لوک سبھا الیکشن لڑیں گے۔
ایکس پر ایک پوسٹ میں شیام رنگیلا نے کہا، وارانسی سے الیکشن لڑنے کے اعلان کے بعد آپ سب کی طرف سے جو محبت مجھے مل رہی ہے اس سے میں بہت پرجوش ہوں۔ میں جلد ہی وارانسی پہنچ کر ایک ویڈیو پیغام کے ذریعے اپنی نامزدگی اور الیکشن لڑنے کے بارے میں آپ کے سامنے اپنے خیالات پیش کروں گا۔ اس سے پہلے کی ایک پوسٹ میں رنگیلا نے کہا تھا، "میں وارانسی سے الیکشن لڑوں گا کیونکہ آج کل کسی کو کسی پر بھروسہ نہیں ہے کہ کون کب نامزدگی واپس لے گا۔
میڈیا سے بات کرتے ہوئے شیام رنگیلا نے کہا کہ 2014 میں، میں وزیر اعظم نریندر مودی کا مداح تھا۔ میں نے وزیراعظم کے سپورٹ میں کئی ویڈیوز بھی شیئر کیں۔ یہاں تک کی راہل گاندھی اور اروند کیجریوال کے خلاف ویڈیوز بھی شیئر کی، جن کو دیکھ کر کوئی بھی یہ کہہ سکتا ہے کہ میں اگلے 70 سالوں تک صرف بھارتیہ جنتا پارٹی کو ہی ووٹ دوں گا۔ لیکن پچھلے 10 سالوں میں صورتحال بدل گئی ہے۔ میں اب وزیر اعظم کے خلاف لوک سبھا انتخابات میں آزاد امیدوار کے طور پر مقابلہ کروں گا۔
انہوں نے مزید کہا: "میری امیدواری وارانسی کے لوگوں کو سورت اور اندور کے برعکس ووٹ ڈالنے کا ایک آپشن دے گی۔ لہذا، میں اس ہفتے وارانسی جاؤں گا اور وزیر اعظم نریندر مودی کے خلاف اپنا پرچہ نامزدگی داخل کروں گا۔ 25 اپریل کو رنگیلا نے سوشل میڈیا پر اپنے فالورز سے پوچھا تھا کہ کیا وہ وارانسی سے آزاد امیدوار کے طور پر نامزدگی داخل کریں۔
شیام رنگیلا کون ہے؟
- راجستھان کے رہنے والے شیام رنگیلا نے 2017 میں پہلی بار پی ایم مودی کی نقل کرکے سرخیوں میں آئے تھے۔
- ان کی ویڈیو پر کافی تنازعہ ہوا لیکن لوگوں نے اسے بہت پسند بھی کیا۔ اس کے بعد انہوں نے راہل گاندھی سمیت کئی لیڈروں کی نقل کی۔
- شیام رنگیلا کا اصل نام شیام سندر ہے، وہ 1994 میں راجستھان کے سری گنگا نگر ضلع کے موکھم والا گاؤں میں پیدا ہوئے۔
- انہیں کالج کے زمانے سے ہی کامیڈی کرنے کا شوق تھا۔ یہی وجہ ہے کہ اینیمیشن کا کورس کرنے کے بعد بھی وہ مِمیکری اور اسٹینڈ اپ کامیڈی کی طرف متوجہ ہوئے اور اسی میں شہرت بھی حاصل کی۔
- کامیڈی میں مہارت کی وجہ سے شیام رنگیلا کو 2017 میں ٹی وی شو 'دی گریٹ انڈین لافٹر چیلنج' میں مِمکری کرنے کا موقع بھی ملا۔
- اس شو کے اسٹیج پر انہوں نے وزیر اعظم نریندر مودی کی آواز کی نقل کی۔ ان کی یہ ویڈیو سوشل میڈیا پر وائرل ہوئی اور وہ راتوں رات اسٹار بن گئے۔
- شیام رنگیلا نے الزام لگایا تھا کہ ان کو پی ایم مودی کی نقل کرنے پر ٹی وی شو سے باہر نکال دیا گیا تھا۔
- شیام رنگیلا نے 2022 میں عام آدمی پارٹی کی رکنیت لی تھی، لیکن کچھ دنوں کے بعد انہوں نے خود کو عآپ سے الگ کر لیا۔
- شیام رنگیلا کا کہنا ہے کہ انہوں نے 2014 کے لوک سبھا انتخابات میں پی ایم مودی کی حمایت کی تھی۔ لیکن نقالی کے خلاف رہنماؤں کی سوچ نے ان کا ذہن بدل دیا۔
