نئی دہلی: وزیر اعظم نریندر مودی نے پیر کی رات کابینہ کمیٹی برائے سکیورٹی کی میٹنگ کی صدارت کی۔ اجلاس میں اعلیٰ سرکاری حکام کو بنگلہ دیش کی صورت حال سے آگاہ کیا گیا۔ یہ ملاقات ایک ایسے وقت میں ہوئی ہے جب بنگلہ دیش کی وزیر اعظم شیخ حسینہ اپنے ملک سے بھاگ کر لندن جانے کے لیے ہندوستان آئی ہیں۔
#WATCH | The Cabinet Committee on Security (CCS) met today at 7, Lok Kalyan Marg. In the meeting, PM Modi was briefed about the situation in Bangladesh. pic.twitter.com/oTzFp9w6WX
— ANI (@ANI) August 5, 2024
وزیر اعظم مودی کے علاوہ دیگر سی سی ایس ممبران بشمول وزیر داخلہ امیت شاہ، وزیر دفاع راج ناتھ سنگھ، وزیر خارجہ ایس جے شنکر اور وزیر خزانہ نرملا سیتا رمن نے بھی میٹنگ میں شرکت کی۔ سرکاری ذرائع نے بتایا کہ حکام نے انہیں پڑوسی ملک کی صورتحال سے آگاہ کیا۔
میٹنگ میں ہندوستانی شہریوں کی سکیورٹی اور بنگلہ دیش میں کشیدگی کے باعث سرحد پر کسی خطرے کے امکان کو مدنظر رکھتے ہوئے حکمت عملی بنائی گئی۔ غور طلب ہے کہ اس سے قبل بنگلہ دیش کی وزیر اعظم شیخ حسینہ وزیر اعظم کے عہدے سے استعفیٰ دے کر ہندوستان پہنچ گئی تھیں۔
#WATCH | Delhi | Union Ministers leave from 7, Lok Kalyan Marg after the conclusion of the meeting of the Cabinet Committee on Security (CCS), in which PM Modi was briefed about the situation in Bangladesh pic.twitter.com/pqNQQQKN1M
— ANI (@ANI) August 5, 2024
انہوں نے ہنڈن ایئربیس پر ہندوستان کے قومی سلامتی کے مشیر اجیت ڈوول سے ملاقات کی۔ اس دوران دونوں کے درمیان بنگلہ دیش کی موجودہ صورتحال اور مستقبل کی حکمت عملی پر تبادلہ خیال کیا گیا۔ اس سے قبل وزیر خارجہ ایس جے شنکر نے وزیر اعظم نریندر مودی سے ملاقات کی اور انہیں بنگلہ دیش کی صورتحال سے آگاہ کیا۔
