راج ناندگاؤں: کانگریس کے سینئر لیڈر اور چھتیس گڑھ کے سابق وزیر اعلی بھوپیش بگھیل نے الزام لگایا ہے کہ راج ناندگاؤں لوک سبھا سیٹ جہاں سے انھوں نے الیکشن لڑا ہے وہاں پر پولنگ کے بعد کئی الیکٹرانک ووٹنگ مشینوں (ای وی ایم) اور وی وی پی اے ٹی(VVPAT) یونٹوں کو تبدیل کیا گیا ہے۔ بگھیل نے دعویٰ کیا کہ راج ناندگاؤں میں 26 اپریل کو ہونے والی ووٹنگ میں استعمال ہونے والی متعدد ای وی ایم کی تعداد الیکشن کمیشن کے ذریعہ فراہم کردہ متعلقہ بوتھوں کی مشینوں کے تفصیلات فارم 17 سی میں درج نمبر سے میل نہیں کھاتے۔
بھوپیش بگھیل نے سوشل میڈیا اکاؤنٹ سے ایک پوسٹ شیئر کی ہے جس میں انھوں نے تفصیلات بتائی ہیں۔ ایکس پر شیئر کی گئی ایک پوسٹ میں بھوپیش بگھیل نے الیکشن کمیشن کے زریعہ دیے گئے فارم 17 سی میں درج نمبرات کے ساتھ موجودہ ای وی ایم اور وی وی اے پی ٹی کے نمبرات کو شیئر کیا ہے۔
واضح رہے یہ پہلی دفع نہیں ہے کہ اپوزیشن پارٹیاں ای وی ایم پر سوال کھڑا کر رہی ہیں۔ 2019 لوک سبھا انتخابات کے بعد سے کئی ریاستوں میں اسمبلی انتخابات ہوئے جس میں بھی اپوزیشن نے ای وی ایم پر سوال اٹھائے ہیں۔ یہ معاملہ سپریم کورٹ بھی جا چکا ہے۔ جہاں سے اپوزیشن پارٹیوں کو مایوسی ہی ہاتھ لگی ہے۔ جبکہ الیکشن کمیشن اپوزیشن کے الزامات کو مسترد کرتا آیا ہے۔
یہ بھی پڑھیں:
سماجوادی پارٹی کے لیڈر گنتی سے قبل ہی گھروں میں نظربند، اکھلیش یادو کا سخت اعتراض
