కామారెడ్డి జిల్లా లింగంపేట్ మండలంలోని జల్దిపల్లి గ్రామంలో ఎస్సీ కులానికి చెందిన వ్యక్తి కుర్చీలో కూర్చోవడం చూసిన సర్పంచ్ ఆగ్రహానికి గురయ్యాడు. నా ముందే కూర్చుంటావా అంటూ అసభ్య పదజాలంతో దూషించాడు. విషయం తెలిసిన కులస్తులు సర్పంచ్ను నిలదీస్తే మరింత రెచ్చిపోయాడు. 15 కుటుంబాలను గ్రామ బహిష్కరణ చేశాడు.
ఊళ్లో ఎవ్వరూ వారికి సహకారం అందించొద్దని కిరాణా సరుకులు, వస్తువులు ఇవ్వొద్దని గ్రామస్థులను ఆదేశించాడు. ఎస్సీ కాలనీకి నీటి సరఫరా బంద్ చేయించాడు. సర్పంచ్ రవీందర్ మాత్రం తానేం అనలేదని చెప్పుకొస్తున్నాడు. బాధితులు సోమవారం రాత్రి లింగంపేట పోలీస్ స్టేషన్లో ఫిర్యాదు చేశారు. మంగళవారం ఉదయం ఎస్సై సుఖేందర్ గ్రామస్తులను విచారించారు.
ఇవీ చూడండి : ఆస్తి కోసం భార్యా, అల్లుడిపై దాడి
