'ఆర్​సీఈపీ- రైతుల పాలిట విధ్వంస ఒప్పందం'

ప్రాంతీయ సమగ్ర ఆర్థిక భాగస్వామ్య కూటమి (ఆర్​సీఈపీ) ఒప్పందంపై భారత్​ సంతకం చేసే అవకాశం ఉందన్న ఊహాగానాల నేపథ్యంలో కాంగ్రెస్ ప్రధాన కార్యదర్శి ప్రియాంక గాంధీ కీలక వ్యాఖ్యలు చేశారు. భారత్ ఆర్​సీఈపీ ఒప్పందం చేసుకుంటే అది దేశీయ రైతుల పాలిట విధ్వంస ఒప్పందం అవుతుందని అభిప్రాయపడ్డారు. ఆర్థిక మందగమన సమయంలో భారత విపణులు రైతులకు అండగా నిలవాలని సూచించారు ప్రియాంక.

ప్రాంతీయ సమగ్ర ఆర్థిక భాగస్వామ్య కూటమి (ఆర్​సీఈపీ) ఒప్పందంపై విమర్శలు గుప్పించారు కాంగ్రెస్​ ప్రధాన కార్యదర్శి ప్రియాంక గాంధీ. భారత్ ఒకవేళ ఆర్​సీఈపీ ఒప్పందంపై సంతకం చేస్తే అది 'రైతుల పాలిట విధ్వంస ఒప్పందం' అవుతుందని అభిప్రాయపడ్డారు.

"ప్రస్తుతం దేశ ఆర్థిక వ్యవస్థ మందగమనంలో ఉంది. ఈ సమయంలో భారత విపణులు దేశీయ రైతులకు చేయగలిగినంత సాయం చేయాలి. భారత్​ ఆర్​సీఈపీ ఒప్పందంపై సంతకం చేస్తే.. అది దేశ రైతుల ప్రయోజనాలను దెబ్బతీస్తుంది. రైతులు తమ ఉత్పత్తులను విక్రయించే అవకాశాలు సన్నగిల్లుతాయి."
- ప్రియాంకగాంధీ, కాంగ్రెస్ ప్రధాన కార్యదర్శి

ఆర్​సీఈపీ రైతుల పాలిట విధ్వంస ఒప్పందం

దిల్లీలో నిరసన

ఆర్​సీఈపీలో భారత్ భాగస్వామ్యాన్ని వ్యతిరేకిస్తూ యూత్​ కాంగ్రెస్ సభ్యులు, కార్మికులు.. దిల్లీలోని కేంద్రమంత్రి గిరిరాజ్​ నివాసం ముందు నిరసన చేపట్టారు. పాడి పరిశ్రమను ఆర్​ఈసీపీలో చేర్చడంపై తీవ్ర ఆందోళన వ్యక్తం చేశారు.