పార్వతీపురంలో వైఎస్సార్​సీపీ-టీడీపీ కౌన్సిలర్లు బాహాబాహి - పోలీసుస్టేషన్​లో ఇరువర్గాల ఫిర్యాదు

Clash Between YCP and TDP Councilors in Parvathipuram District : పార్వతీపురం మున్సిపల్​ కార్యాలయంలో వైసీపీ, టీడీపీ కౌన్సిలర్లు బాహాబాహీకి దిగారు. మున్సిపల్​ ఛైర్​పర్సన్​ గౌరీశ్వర అధ్యక్షతన జరిగిన సర్వసభ్య సమావేశానికి ఎమ్మెల్యే జోగారావు ముఖ్య అతిథిగా హాజరయ్యారు. ఈ నేపథ్యంలో పట్టణంలో జరిగిన అభివృద్ధిపై 8వ వార్డు కౌన్సిలర్​ నారాయణరావు ఎమ్మెల్యేను నిలదీశారు. అనంతరం బయటకు వచ్చి మీడియాతో మాట్లాడుతుండగా 25వ వార్డు వైసీపీ కౌన్సిలర్​ సుధీర్​ నారాయణరావుతో వాగ్వాదానికి దిగారు.

Both Parties Complained to Police : వైసీపీ, టీడీపీ కౌన్సిలర్లు మధ్య తీవ్ర తోపులాట జరిగింది. ఒకరిపై ఒకరు దాడి చేసుకున్నారు. సమావేశంలో జరిగిన వాగ్వాదం గురించి తెలుసుకున్న సుధీర్​ వర్గీయులు కార్యాలయం బయట నారాయణరావుపై దాడి చేశారు. కౌన్సిలర్లు అడ్డుకుందుకు స్థానికులు ప్రయత్నం చేసినా వారి మధ్య వాగ్వాదం ఆగలేదు. అనంతరం ఇరువర్గాలు స్థానిక పోలీసు స్టేషన్​కు చేరుకున్నారు. ఇద్దరు కౌన్సిలర్లు ఒకరిపై ఒకరు పోలీస్ స్టేషన్​లో కేసు నమోదు చేసుకున్నారు.