బ్రహ్మంగారిమఠం వద్ద వైకాపా కార్యకర్తల ఆందోళన

పోలింగ్​ సందర్భంగా అదుపులోకి తీసుకున్న కార్యకర్తను చూపించాలంటూ కడప జిల్లా బ్రహ్మంగారిమఠం పోలీస్​ స్టేషన్​ ఎదుట వైకాపా నేతలు ధర్నాకు దిగారు. తమ కార్యకర్తలను ఇష్టానుసారంగా కొట్టారంటూ వైకాపా అభ్యర్థి రఘురాం రెడ్డి ఆరోపించారు.

కడప జిల్లా బ్రహ్మంగారిమఠం పోలీస్​ స్టేషన్​ ఎదుట వైకాపా కార్యకర్తలు ఆందోళన చేశారు. నిన్న సార్వత్రిక ఎన్నికల సందర్భంగా గంగిరెడ్డిపల్లిలో జరిగిన తెదేపా, వైకాపా ఘర్షణలో ఎస్​ఐ పై కారంపొడి చల్లారన్న ఆరోపణలతో... వైకాపా ఏజెంట్​ లక్ష్మీరెడ్డిని పోలీసులు అరెస్టు చేశారు. ఈ ఘటనపై.. రఘరాంరెడ్డి ఆధ్వర్యంలో వైకాపా కార్యకర్తలు నిరసన చేపట్టారు. తమ పార్టీ కార్యకర్తలపై పోలీసులు కావాలనే కేసులు పెడుతున్నారని మండిపడ్డారు. పోలీసులు సర్దిచెప్పినా వినకుండా స్టేషన్​లోకి చొచ్చుకెళ్లేందుకు యత్నించారు. ఎస్పీ వద్దనే తెల్చుకుంటామని రఘురామిరెడ్డి కార్యకర్తలతో కలిసి కడపకు వెళ్లారు.