వైఎస్సాఆర్ ఘాట్ వద్ద తితిదే ఛైర్మన్ నివాళులు

తితిదే ఛైర్మన్​గా బాధ్యతలు స్వీకరించిన వైవీ సుబ్బారెడ్డి.. కడప జిల్లా చక్రాయపేట మండలం శ్రీగండి క్షేత్రంలోని శ్రీవీరాంజనేయ స్వామిని దర్శించుకున్నారు. అనంతరం ఇడుపులపాయలోని వైఎస్ రాజశేఖర్ రెడ్డి ఘాట్ చేరుకుని నివాళులు అర్పించారు.

కడప జిల్లా చక్రాయపేట మండలం శ్రీ గండి క్షేత్రంలోని శ్రీ వీరాంజనేయ స్వామి ఆలయాన్ని తితిదే ఛైర్మన్ వై వి సుబ్బారెడ్డి దర్శించుకున్నారు. తితిదే ఛైర్మన్ గా బాధ్యతలు స్వీకరించి మొదటిసారిగా ఆలయానికి వచ్చిన ఆయనకు ఆలయ అధికారులు, ప్రధాన అర్చకులు పూర్ణకుంభంతో ఆహ్వానం పలికారు. అనంతరం ఇడుపులపాయలోని దివంగత ముఖ్యమంత్రి డాక్టర్ వైయస్ రాజశేఖర్ రెడ్డి సమాధికి పూలమాలవేసి నివాళులు అర్పించారు. రాజశేఖర్ రెడ్డి ఆశీస్సులు పొందేందుకు ఘాట్ కు వచ్చానని సుబ్బారెడ్డి తెలిపారు. రాష్ట్రంలో అవినీతి రహిత పాలన అందించేలా వైఎస్ జగన్ పాలన సాగిస్తున్నారని వ్యాఖ్యానించారు. తిరుమల తిరుపతి ప్రాంగణంలోనూ అవినీతికి తావు లేకుండా చేస్తామని స్పష్టం చేశారు.ఈ కార్యక్రమంలో ముఖ్య నాయకులు, కార్యకర్తలు, అభిమానులు వైయస్సార్ ఘాట్ ప్రాంగణానికి భారీగా తరలివచ్చారు.

ఇవీ కూడా చదవండి:వాలంటీర్లను మెరిట్ ప్రాతిపదికగా భర్తీ చేయండి: కొణతాల