15 నుంచి నారపుర వెంకటేశ్వరస్వామి బ్రహ్మోత్సవాలు

కడప జిల్లా జమ్మలమడుగులో శ్రీ నారాపుర వెంకటేశ్వర స్వామి ఆలయం బ్రహ్మోత్సవాలు ఈ నెల 15 నుంచి అంకురార్పణతో ప్రారంభమై 25వ తేదీన పుష్పయాగంతో ఉత్సవాలు ముగుస్తాయి.

కడప జిల్లా జమ్మలమడుగులో పెన్నానది ఒడ్డున కొలువైన శ్రీ నారాపుర వెంకటేశ్వర స్వామి ఆలయం బ్రహ్మోత్సవాలకు సిద్ధమవుతోంది. బుధవారం నుంచి 25 వరకు వేడుకలు జరిపించేందుకు తితిదే అధికారులు ఏర్పాట్లు చేస్తున్నారు. ఈ నెల 15న అంకురార్పణతో బ్రహ్మోత్సవాలు ప్రారంభమవుతాయి. 16న ధ్వజారోహణము, 20న గరుడ వాహనం, 21న కల్యాణోత్సవము జరుగుతాయి. 25వ తేదీన జరిగే పుష్పయాగంతో ఉత్సవాలు ముగుస్తాయి. బ్రహ్మోత్సవాలు సందర్భంగా ఆలయంలో పలు అభివృద్ధి కార్యక్రమాలు చేస్తున్నారు. స్థలపురాణం ప్రకారం నారపురయ్య అనే భక్తుడి పేరు మీదుగా ఆలయానికి నారపుర వెంకటేశ్వరస్వామి ఆలయం అని పేరు వచ్చింది.