కడప: రవాణా శాఖపై కరోనా ప్రభావం

కడప జిల్లాలో రవాణా శాఖపై కరోనా ప్రభావం పడింది. ప్రభుత్వం నిర్దేశించిన లక్ష్యాన్ని ఛేదించడంలో.. రవాణా శాఖ వెనకబడింది. ఇలా అయితే ఈ ఏడాది లక్ష్యాన్ని సాధించడం కష్టమేనని అధికారులు చెబుతున్నారు.

కరోనా వైరస్ ప్రభావం కడప జిల్లాలో రవాణా శాఖపై పడింది. నిర్దేశించిన లక్ష్యాన్ని అధిగమించమించడంలో అధికారులు చతికిలపడ్డారు. కరోనా వైరస్ వల్ల లాక్​డౌన్ విధించిన కారణంగా.. వాహనదారుల రాకపోకలు తగ్గాయి. కార్యాలయంలో కార్యకలాపాలు దాదాపుగా తగ్గిపోయాయి. ఈ పరిస్థితి ఆదాయంపై స్పష్టంగా కనిపించింది.

2020 ఏప్రిల్, మే, జూన్ నెలలకు సంబంధించి రాష్ట్ర ప్రభుత్వం రూ.57 కోట్ల ఆదాయం లక్ష్యాన్ని కేటాయించగా… ఇప్పటివరకు రూ.18 కోట్లు మాత్రమే సాధించారు. లాక్​డౌన్ వల్ల కొత్త వాహనాల కొనుగోలు లేదు. ఫిట్నెస్, జీవితపు పన్ను, సర్వీస్ ఛార్జీలు రావడం లేదు. ఇలా అయితే ఈ ఏడాది లక్ష్య సాధన కష్టమే అని అధికారులు భావిస్తున్నారు.