కడప జిల్లా రాజంపేటలో కరోనా కేసులు పెరుగుతున్నాయి. ఈ నేపథ్యంలో శానిటైజర్ వినియోగం పెరుగుతోంది. అనుమతి,బిల్లు లేకుండా శానిటైజర్ల విక్రయించటం నేరమని డీఎస్పీ నారాయణ స్వామి అన్నారు. అనుమతి ఉన్నా కంపెనీ నుంచి మాత్రమే వాటిని కొనుగోలు చేయాలని ఆయన వ్యాపారులకు సూచించారు. బయట ఎవరు పడితే వారు తయారుచేయడం నిషేధం అన్నారు. కొంతమంది మద్యం ప్రియులు మత్తు కోసం శానిటైజర్లను తాగి ప్రాణాలు కోల్పోతున్నారన్నారు. దీనిపై ఎస్పీ అన్బురాజన్ ఆదేశాల మేరకు ప్రైవేటు దుకాణాలు, మందుల షాప్లపై దాడులు చేస్తున్నట్లు తెలిపారు. శానిటైజర్లను ఎవరికి విక్రయించినా వారి పేరు, సెల్ ఫోన్ నెంబర్ నమోదు చేసుకోవాలని సూచించారు.
ఇవీ చదవండి
