985 కేజీల నల్లబెల్లం పట్టివేత

పోలవరం మండలంలో నల్ల బెల్లాన్ని ఓ వాహనంలో పోలీసులు పట్టుకున్నారు. ఇందుకు సంబంధించిన విక్రయదారులను గుర్తించే పనిలో ఉన్నామని ఎక్సైజ్​ సీఐ తెలిపారు.

పశ్చిమ గోదావరి జిల్లా పోలవరం మండలం గూటాలలో నాటుసారాకు వినియోగించే నల్ల బెల్లాన్ని ఎక్సైజ్ అధికారులు స్వాధీనం చేసుకున్నారు. తెలంగాణ రిజిస్ట్రేషన్ నంబరు ఉన్న వాహనంలో 985 కేజీల బెల్లాన్ని గుర్తించారు.

ఆ వాహనంతో పాటు.. మరో పైలట్ వాహనాన్ని స్వాధీనం చేసుకున్నట్లు ఎక్సైజ్ సీఐ సత్యనారాయణ తెలిపారు. పోలవరంలో బెల్లం విక్రయదారులను గుర్తించి వారిపై కేసు నమోదు చేస్తామని తెలియజేశారు.

ఇదీ చదవండి: