'ఆ భూమిపై గిరిజనులు ఆధారపడ్డారు.. వారికి పరిహారం చెల్లించండి'

కురుపాంలోని ఓ ఇంజినీరింగ్​ కళాశాల నిర్మాణానికి సంబంధించి సేకరిస్తున్న భూమి విషయంలో.. సీపీఎం ఆందోళన చేసింది. సర్వే నెంబర్​ 50లో 105 ఎకరాల ఈ భూమిపై.. గిరిజనులు ఆధారపడి ఉన్నట్టు నేతలు చెప్పారు. వారికి 2013 భూసేకరణ చట్టం ప్రకారం పరిహారం చెల్లించాలన్నారు.

విజయనగరం జిల్లా కురుపాంలోని ఓ ఇంజినీరింగ్​ కళాశాల నిర్మాణం కోసం సేకరిస్తున్న స్థలానికి సంబంధించి సీపీఎం నిరసన చేపట్టింది. 105 ఎకరాల భూమిని సాగు చేస్తున్న గిరిజనులకు 2013 భూసేకరణ చట్టం ప్రకారం పరిహారం చెల్లించాలని డిమాండ్​ చేశారు.

ఇంజినీరింగ్ కళాశాలకు సేకరిస్తున్న భూమిలో 36 గిరిజనుల కుటుంబాలు సాగు చేస్తున్నాయని... వారికి ఆ భూమే జీవనాధారమని సీపీఎం జిల్లా కార్యదర్శి రెడ్డి శ్రీరామ్మూర్తి వివరించారు. అభివృద్ధికి తాము అడ్డంకి కాదని.... సేకరిస్తున్న భూమిపై ఆధారపడ్డ గిరిజనులకు పరిహారం అందించాలని ఆర్డీవోకు వినతిపత్రం అందజేశారు.

ఇదీ చదవండి: