ఉత్తరప్రదేశ్లోని హతరస్ జిల్లాలో ఎస్సీ మహిళపై జరిగిన దారుణ హత్యను ఖండిస్తూ ఎస్సీ మహిళా సంఘాల ఐక్యవేదిక ధర్నా నిర్వహించింది. కన్వీనర్ సరస్వతి ఆధ్వర్యంలో డాబా గార్డెన్స్ అంబేడ్కర్ విగ్రహం దగ్గర దళిత మహిళలు నిరసన చేపట్టారు.
ఎస్సీలవే అత్యధికం..
ఉత్తరప్రదేశ్లో యోగి ఆదిత్యనాథ్ ప్రభుత్వం హయాంలో ఆవులకున్న రక్షణ రాష్ట్ర మహిళలకు లేదని ఆవేదన వ్యక్తం చేశారు. ఇప్పటివరకు ఆ రాష్ట్రంలో 3960 కేసులు నమోదైతే అందులో ఎస్సీలవే అత్యధికమని ఆగ్రహం వ్యక్తం చేశారు.
వారికి ఉరిశిక్ష వేయాలి..
ఎక్కువశాతం గోవుల పేరుతో హత్యలు, దళిత మహిళలపై అత్యాచారాలు అధికంగా జరుగుతున్నాయని తీవ్రంగా మండిపడ్డారు. ఈ దారుణానికి పాల్పడిన నిందితులందరికీ వెంటనే ఉరిశిక్ష విధించాలని వారు డిమాండ్ చేశారు.
