విశాఖ జిల్లా పాడేరు ఏజెన్సీ జి.మాడుగుల మండలం మొండి కోట గ్రామంలో ఐదేళ్లుగా కృషి చేసి చందాలు వేసుకుని ... కొండపై కుసుమహర ఆధ్యాత్మిక కేంద్రం ఏర్పాటు చేసుకున్నారు . నిత్యం పూజలు, భజనలు, ధ్యానం చేసుకుంటూ ముందుకు వెళ్తున్నారు. ప్రభుత్వ సహాయంతో కొండ పైభాగం వరకు రహదారి ఏర్పాటు చేసుకున్నారు. ఈ ఆధ్యాత్మిక కేంద్రాన్ని మరింత ముందుకు తీసుకెళ్లేందుకు పాడేరు ఎమ్మెల్యే భాగ్యలక్ష్మి ముఖ్య అతిథిగా విచ్చేసి పూజలు చేశారు.
భక్తులు పాటల పాడుతున్న సమయంలో ఎమ్మెల్యేతో పాటు సర్కిల్ ఇన్స్పెక్టర్ బాబు చేతులు కలిపారు. ఇటువంటి ఆధ్యాత్మిక చింతన ముందు నుంచే ఉన్నట్లయితే ఏజెన్సీ అంతా ప్రశాంతమైన వాతావరణం ఉంటుందని ఎమ్మెల్యే భాగ్యలక్ష్మి ఆకాంక్షించారు. కొండపై ఉన్న ఈ దేవాలయం నుంచి దర్శించుకోవడంతో ... ఎప్పుడూ విధుల్లో ఉండే తమకు మానసిక ఉల్లాసం కలిగిందని సీఐ అన్నారు. ఈ సందర్భంగా పాటలు పాడిన భక్త బృందానికి సీఐ... ఎమ్మెల్యే చేతులమీదుగా మహిళలకు కొంత ఆర్థిక సహాయం అందించారు. ఇటువంటి ఆధ్యాత్మిక కేంద్రానికి పాటుపడిన వారందరికీ ఎమ్మెల్యే ధన్యవాదాలు తెలిపారు.
ఇదీ చదవండీ...
స్టేటస్ కో ఉండగానే రైతు భరోసా కేంద్రం నిర్మిస్తారా..?: హైకోర్టు
