Boy Kidnap: విశాఖ జిల్లా భీమునిపట్నం జోన్ మహాలక్ష్మిపురంలో గుర్తు తెలియని వ్యక్తి బాలుడ్ని అపహరించేందుకు ప్రయత్నించాడు. గత రాత్రి గ్రామంలోని ఓ ఇంట్లోకి ప్రవేశించిన దుండగుడు.. ఆ ఇంట్లోని మూడు సంవత్సరాల బాలుడిని ఎత్తుకెళ్లేందుకు ప్రయత్నించాడు. స్థానికులు ఈ విషయం గమనించి అతడిని పట్టుకున్నారు. విద్యుత్ స్తంభానికి కట్టేసి అతడికి దేహశుద్ధి చేశారు. అనంతరం భీమిలి పోలీస్స్టేషన్కు అప్పగించారు.
స్థానికుల ఫిర్యాదు మేరకు పోలీసులు కేసు నమోదు చేసుకున్నారు. అతడి వివరాలు ఆరా తీస్తుండగా.. పొంతన లేని సమధానాలతో హిందీలో మాట్లాడుతున్నాడని పోలీసులు తెలిపారు. దీంతో అతడికి మతిస్తిమితం లేదని పరిగణించిన పోలీసులు మానసిక వైద్యశాలకు తరలించినట్లు వెల్లడించారు.
ఇవీ చదవండి:
