విశాఖ ఏజెన్సీ అల్లివరం కొండల్లో మంచు
విశాఖ ఏజెన్సీలో వేసవి కాలంలోనూ మంచు సోయగం కట్టిపడేస్తోంది. వీక్షకులకు కనువిందు చేస్తూ ప్రత్యేక ఆకర్షణగా నిలుస్తున్న ఈ అద్భుత దృశ్యాలు.. విశాఖ జిల్లా పాడేరు మండలం అల్లివరం కొండల్లో దర్శనమిచ్చాయి. ఉదయం వరకు మంచు కురుస్తూ.. చలికాల గిలిగింతలు పెట్టి.. మధ్యాహ్నం వేసవిని గుర్తు చేసి.. సాయంత్రానికి వరుణుడు పలకరిస్తున్నాడు. ఒక్క రోజులోనే మూడు కాలాలు చూపిస్తూ.. వేసవి విడిది కోసం వచ్చే పర్యాటకులకు, గిరిజనులకు వింత అనుభూతిని పంచుతోంది విశాఖ మన్యం.
ఇదీ చదవండి: అడ్డసరం మొక్కలో.. కరోనా ప్రభావం తగ్గించే జన్యువులు!
