గంజాయికి ప్రత్యామ్నయమే సంప్రదాయ పంటలు...
విశాఖ జిల్లా మన్యం కేంద్రం పాడేరులో గంజాయి నిర్మూలనకు తీసుకునే చర్యలపై అబ్కారీశాఖ కమిషనర్ నాయక్ ఐటీడీఏలో సమీక్షించారు. గంజాయి సాగుకు ప్రత్యామ్నయ పద్ధతులు అనుసరించే విధంగా అవగాహన సదస్సులను ప్రారంభించాలని నిర్ణయించారు. వ్యవసాయ పంటలను ప్రోత్సహించడమే కాక.. ప్రజలు ఆర్థికంగా అభివృద్ధి చెందేలా ప్రభుత్వం అందిస్తున్న సహకారాన్ని ప్రజలకు వివరించాలని అధికారులకు సూచించారు. జిల్లా ఎస్పీ అట్టాడ బాబూజీ మాట్లాడుతూ ఏజెన్సీలో ఎక్కువ శాతం యువత పక్కదారి పడుతున్నారని చెప్పారు. వారికి ప్రభుత్వ సహకారంతో శిక్షణ, నైపుణ్యాలు అందిస్తామని, అవగాహన కార్యక్రమాలు చేపడతామని అన్నారు.
