'వైద్యుడు సుధాకర్​కు ప్రాణహాని ఉంది'

వైద్యుడు సుధాకర్​కు ప్రాణహాని ఉందని ఆయన తల్లి విశాఖ కమిషనర్​ను కలిసి ఆవేదన వ్యక్తం చేశారు. రేపు హైకోర్టుకు తన కొడుకుతో పాటు తనను కూడా తీసుకెళ్లాలని కోరారు.

ప్రభుత్వ మానసిక వైద్యశాలలో చికిత్స పొందుతున్న వైద్యుడు సుధాకర్ తల్లి ఇవాళ విశాఖ నగర పోలీస్ కమిషనర్​ను కలిశారు. హైకోర్టు ఆదేశాల మేరకు రేపు వైద్యుడు సుధాకర్​ను పోలీసులు హైకోర్టులో హాజరు పరచనున్న నేపథ్యంలో తన కొడుకుతో పాటు తమను కూడా తీసుకువెళ్లాలని ఆమె కోరారు.

తన కుమారునికి ప్రాణ హాని ఉందని.. విశాఖ నుంచి విజయవాడ కోర్టుకు తరలించే సమయంలో ఏమైనా జరగవచ్చనే అనుమానాన్ని ఆమె పోలీసు కమిషనర్ ఆర్కే మీనా ముందు వ్యక్తపరిచారు. ఎటువంటి భయాందోళనకు గురవ్వొద్దని సుధాకర్​కు ఎటువంటి హాని జరగకుండా చర్యలు తీసుకుంటామని కమిషనర్​ హామీ ఇచ్చారు.