డాక్యుమెంటేషన్ రికార్డులను రెవెన్యూ, ఫారెస్ట్ శాఖలు భద్రపరచాలని విశాఖపట్నం జిల్లా కలెక్టర్ వి. వినయ్ చంద్ ఆదేశించారు. గ్రామాల్లో ఎవరు భూములు ఇచ్చారో వారి పాస్బుక్లు, టైటిల్ డీడ్స్, ఫోటోలు.. రికార్డులలో భద్రపరచి ఉంచుకోవాలన్నారు. నిబంధ‌న‌ల ప్రకారం అన్నింటిని క్షుణ్ణంగా పరిశీలించాలన్నారు. విశాఖపట్నం మున్సిపల్ కార్యాలయంలో అధికారులతో ఆర్ఓఎఫ్ఆర్ జిల్లా స్థాయి సమావేశం నిర్వహించారు.
గ్రామ సచివాలయం, తహసీల్ధార్, ఆర్డీవో సంబంధిత కార్యాలయాల్లో డాక్యుమెంటేషన్ నఖలు, ఫోటోలు పక్కాగ ఉండాలని ఆదేశించారు. ఏజెన్సీ పరిధిలోని ఆయా మండలాల్లో ఆర్ఓఎఫ్ఆర్కు సంబంధించి మండలాల వారిగా.. ఎంతెంత భూములు ఉన్నాయో ఐటీడీఏ ప్రాజెక్టు అధికారి ఎస్. వెంకటేశ్వర్ కలెక్టర్కు వివరించారు.
అనకాపల్లి రెవెన్యూ డివిజన్ పరిధిలో దేవరాపల్లి, వి. మాడుగుల, చీడికాడ మండలాల్లో ఓఆర్ఎఫ్(ఔట్ సైడ్ రిజర్వ్ ఫారెస్ట్) రిజర్వ్ ఫారెస్ట్ భూముల గూర్చి అనకాపల్లి ఆర్డీఓ సీతారామారావు వివరించారు. నర్సీపట్నం డివిజన్లో ఆయా మండలాల్లోని భూముల వివరాలను సబ్కలెక్టర్ నారపురెడ్డి మౌర్య తెలియజేశారు. గిరిజ‌న ప్రాంతాల చెందిన రెవెన్యూ, అట‌వీ శాఖ అధికారులు పాల్గొన్నారు.
ఇదీ చూడండి:
'మనకు ఎన్నో ఇచ్చిన అడవికి ఎంతో కొంత తిరిగివ్వాలి.. లేకపోతే!'
