శ్మశాన వాటిక నిర్మాణాన్ని వ్యతిరేకిస్తూ ఆందోళన

కొవిడ్ మృతులకు దహన సంస్కారాలు చేసేందుకు బక్కనపాలెం శ్మశాన వాటికలో గ్యాస్ ఆధారిత శ్మశానవాటిక నిర్మాణానికి జిల్లా యంత్రాంగం ప్రతిపాదించింది. అయితే ఈ ప్రతిపాదనను తక్షణమే విరమించుకోవాలని భాజపా- జనసేన సంయుక్తంగా ఆదివారం నిరసన చేపట్టాయి. ప్రభుత్వ నిర్ణయం వల్ల ప్రజలు భయాందోళనకు గురవుతున్నారని ఆ పార్టీల నాయకులు తెలిపారు.

విశాఖ బక్కనపాలెం శ్మశాన వాటికలో గ్యాస్ ఆధారిత శ్మశానవాటిక, మార్చురీ నిర్మాణ ప్రతిపాదనను తక్షణమే విరమించాలని డిమాండ్ చేస్తూ జనసేన- భాజపా కార్యకర్తలు ఆదివారం నిరసన వ్యక్తం చేశారు. నివాసాల మధ్య ఉన్న శ్మశాన వాటికలో కొవిడ్ మృతుల దహన సంస్కారాలు జరుగుతాయంటేనే స్థానికులు భయాందోళన వ్యక్తం చేస్తున్నారని అన్నారు.

గ్యాస్ ఆధారిత శ్మశాన వాటిక నిర్మాణానికి ఊరి శివార్లలోని శ్మశాన వాటికలను ఎంపిక చేయాలని సూచించారు. జిల్లా యంత్రాంగం వెంటనే నిర్ణయాన్ని మార్చుకోవాలంటూ భాజపా- జనసేన కార్యకర్తలు నిరసన ర్యాలీ నిర్వహించారు.