Annaprasada Distribution Center in Tirumala: తిరుమలలో అన్నప్రసాద వితరణ కేంద్రాన్ని తితిదే ఛైర్మన్ సుబ్బారెడ్డి ప్రారంభించారు. తిరుమల శ్రీవారి దర్శనార్థం పెరుగుతున్న భక్తుల రద్దీతో పలు ప్రాంతాల్లో అన్నదాన భవనాలు పునః ప్రారంభించాలని పాలక మండలి నిర్ణయించింది. ఈ మేరకు పీఏసీ-4గా ఉన్న పాత అన్నదానం కాంప్లెక్స్లో మళ్లీ అన్నప్రసాద వితరణ కార్యక్రమం మొదలుపెట్టింది.
"గత మూడు నెలల నాడే ఒక నిర్ణయం తీసుకున్నాం. వెంగమాంబ అన్నప్రసాద హాలులో ఏ విధంగా ప్రసాదం అందిస్తున్నామో.. అదే విధంగా ప్రస్తుతం తిరుమలలో పెరిగిన భక్తుల రద్దీ కారణంగా వివిధ ప్రాంతాలలో అన్న ప్రసాదం అందించాలని నిర్ణయం తీసుకున్నాం. అందులో మొదటిది పీఏసీ - 4లో ప్రారంభించడం జరిగింది. ఇది కాలినడకన వచ్చే భక్తులకు చాలా దగ్గరగా ఉంటుంది. అదే విధంగా రాబోయే రెండు..మూడు నెలల్లో మరో రెండు చోట్లు అందుబాటులోకి తీసుకువస్తాం". - వై.వి.సుబ్బారెడ్డి, తితిదే ఛైర్మన్
తిరుమలలో ప్రారంభించిన అన్న ప్రసాద వితరణ కేంద్రం
ఇవీ చదవండి:
