శ్రీకాకుళం జిల్లా ఇచ్ఛాపురంలో యువకుడు గుండెపోటుతో ఆకస్మికంగా మృతి చెందాడు. బత్తుల నీలకంఠం (32).. ఉదయం నడక చేసి తిరిగి ఇంటికి వెళ్తుండగా కుప్ప కూలిపోయాడు. వెంటనే ఓ ప్రైవేటు ఆసుపత్రికి తరలించినా ఫలితం లేకుండా పోయింది. తరచుగా ఉపవాసాలు చేసే నీలకంఠం సోమవారం కూడా ఉపవాసం ఉన్నాడు.
మంగళవారం ఉదయం ఏమీ తినకుండా శరీరానికి శ్రమ కలిగించడం వల్లే గుండె పోటుకు గురై మృతి చెంది ఉంటాడని స్థానికులు భావిస్తున్నారు. హైదరాబాద్ లో ఒక ప్రైవేటు కంపెనీలో పనిచేసిన నీలకంఠం.. తన అన్న కూతుర్ని చూడటానికి వచ్చి లాక్ డౌన్ కారణంగా గ్రామంలోనే ఉండి పోయాడు.
ఇవీ చూడండి:
