వైద్య సిబ్బంది నిర్లక్ష్యం... మహిళ మృతి

పలాస ప్రభుత్వాసుపత్రిలోని వైద్య సిబ్బంది నిర్లక్ష్యం వల్లే పుణ్యవతి మృతి చెందిందని  కుటుంబీకులు ఆసుపత్రి వద్ద ఆందోళన చేశారు.

శ్రీకాకుళం జిల్లా పలాస ప్రభుత్వాసుపత్రిలో పుణ్యవతి అనే మహిళ చికిత్స పొందుతూ మృతి చెందింది. నందిగాం మండలం గోకన్నపల్లికి చెందిన పుణ్యవతి... అనారోగ్యం పాలవటంతో గురువారం సాయంత్రం పలాస ప్రభుత్వాసుపత్రికి తీసుకొచ్చారు. ఆ సమయానికి వైద్యులు లేక... సిబ్బంది నిర్లక్ష్యంగా వ్యవహరించటం వల్లే... పుణ్యవతి మృతి చెందిందని కుటుంబీకులు ఆసుపత్రి వద్ద ఆవేదన వ్యక్తం చేశారు. చివరకు స్థానికుల జోక్యంతో మృతదేహాన్ని కుటుంబీకులు ఆస్పత్రి నుంచి తీసుకెళ్లారు.

ఇదీ చూడండి: బాలుడిగా తప్పిపోయి.. యువకుడిగా ఇంటికి చేరాడు.. కానీ!