రేషన్​ బియ్యం దర్శిలో రీసైక్లింగ్​... సింగపూర్​లో సేలింగ్...

కరోనా కారణంగా నెలకు రెండుసార్లు కార్డుదారులకు బియ్యం పంపిణి జరుగుతోంది. దీంతో అక్రమార్కులు ప్రజాపంపిణీ బియ్యాన్ని పక్క ఊళ్లే కాదు రాష్ట్రాలకు, దేశాలకు దాటిచ్చేస్తున్నారు. ప్రకాశం జిల్లా దర్శిలోని రెండు రైస్ మిల్లుల్లో పోలీసుల దాడు చేసి వేల బస్తాల రేషన్ బియ్యం నిల్వలు పట్టుకున్నారు.

ప్రకాశం జిల్లా దర్శిలో పొదిలిరోడ్డు, కురిచేడురోడ్డులో గల రైస్ మిల్లుల్లో పోలీసులు దాడులు చేశారు...రీసైక్లింగ్ చేసి పంపిణీకి సిద్ధంగా ఉంచిన పెద్ద మొత్తంలో రేషన్ బియ్యం బస్తాలు చూసి పోలీసులు,అధికారులు అవాక్కయ్యారు.

ఒక్క దర్శిలోనే రెండు రైస్ మిల్లుల్లో సుమారు 2000 బస్తాలు పట్టుకున్నట్లు పోలీసులు తెలిపారు. జిల్లా ఎస్పీ సిద్ధార్థ్ కౌశల్ ఆదేశాల మేరకు జిల్లాలోని అనేక ప్రాంతాల్లో దాడులు నిర్వహించారు. ఈ బియ్యాన్ని రైస్ మిల్లుల్లో రీసైకిలింగ్ చేసి ఆఫ్రికా, సింగపూర్, మలేషియాకు ఎగుమతి చేస్తున్నట్లు ప్రాథమిక విచారణలో తేలింది.

ఈ దాడుల్లో దర్శి సిఐ,ఎస్.ఐ, సిబ్బంది పాల్గొన్నారు...

ఇవీ చదవండి: ఇతర దేశాలకు తరలిస్తున్న రేషన్​ బియ్యం నిల్వలు పట్టివేత