ప్రకాశం జిల్లాలో 60 ఏళ్ల వృద్ధురాలిపై అత్యాచారం చేసిన యువకుడిని పోలీసులు అరెస్టు చేశారు. ఈ నెల 12వ తేదీన చీరాలకు చెందిన వృద్ధురాలిపై అత్యాచారం జరిగింది.
వృద్ధురాలు పర్చూరు మండలం అడుసుపల్లిలో పండ్లు అమ్ముకుంటూ జీవనం సాగిస్తోంది. ఈ క్రమంలో రోజులాగానే చీరాలకు వచ్చేందుకు పిల్లి నాగేంద్రబాబు అలియాస్ మోజేస్(27) ఆటో ఎక్కింది. పర్చూరు మండలం బోడవాద నుంచి ఆటో మళ్లించటంతో ఆ వృద్దురాలు ప్రశ్నించింది. చెరువు వద్ద మరో ప్రయాణికుడు ఉన్నాడని.. అతనిని ఎక్కించుకుని వెళదామంటూ అమెను మభ్యపెట్టాడు. చెరువు దాటి ముందుకెళుతున్న క్రమంలో మరోసారి ప్రశ్నించింది. దగ్గర దారిలో వెళుతున్నామంటూ నమ్మించాడు. పర్చూరు-దేవరపల్లి మద్య రహదారిలో వృద్ధురాలిని సమీప పొలాల్లొకి లాక్కెళ్లి అత్యాచారానికి పాల్పడ్డాడు. అనంతరం అక్కడినుంచి పరారయ్యాడు.
రాత్రి 10 గంటల సమయంలో అటుగా వెళ్తున్న ట్రాక్టర్ను ఆపి.. తనకు జరిగిన ఆన్యాయాన్ని తెలిపింది ఆ వృద్ధురాలు. అనంతరం పోలీసులను అశ్రయించింది. దర్యాప్తు చేపట్టిన పోలీసులు.. నిందితుడిని ఉప్పుటూరు బ్రిడ్జి వద్ద అదుపులోకి తీసుకున్నారు. నిందితుడు నేరం అంగీకరించినట్లు పోలీసులు తెలిపారు. నిందితుడిని అరెస్టు చేసి ఆటోను సీజ్ చేశారు. నిందితుడిని కోర్టులో హాజరుపర్చనున్నట్లు తెలిపారు.
ఇదీ చదవండి
