తెలంగాణకు బ్యాలెట్​ బాక్సులు తిరిగి పంపించిన అధికారులు

తెలంగాణ గ్రేటర్​ హైదరాబాద్​ ఎన్నికల ప్రతిపాదన రావడం వల్ల అక్కడి అధికారులు ఏర్పాట్లకు సిద్ధమవుతున్నారు. ఈ సందర్భంగా ఆ రాష్ట్రం నుంచి తీసుకువచ్చిన బ్యాలెట్​ బాక్స్​లను తిరిగి వెనక్కి పంపించారు ప్రకాశం జిల్లా అధికారులు.

స్థానిక ఎన్నికలు వాయిదా పడటంపై.. ప్రకాశం జిల్లాలో సమీకరించిన బ్యాలెట్​ బాక్స్​లు ప్రస్తుతం నిరుపయోగంగా ఉన్నాయి. తిరిగి వెనక్కి పంపిస్తున్నారు. మార్చి, ఏప్రిల్​ నెలలో జరగవలసిన స్థానిక ఎన్నికలు కరోనా కారణంగా వాయిదా పడ్డాయి. ఎన్నికలు నిర్వహించేందుకు వీటిని తెలంగాణ నుంచి బ్యాలెట్​ బాక్స్​లను తీసుకువచ్చారు. అనుకున్న సమయానికి ఎన్నికలు జరగకపోవడం వల్ల వాటిని పాత జెడ్పీ కార్యాలయంలో భద్ర పరిచారు.

ప్రస్తుతం తెలంగాణ గ్రేటర్​ హైదరాబాద్​ ఎన్నికల ప్రతిపాదన రావడం వల్ల... అక్కడి అధికారులు తమ రాష్ట్ర ఎన్నికల కమిషనర్​ సూచనల మేరకు ఏర్పాట్లుకు సిద్ధమవుతున్నారు. అందులో భాగంగా తమ రాష్ట్రానికి చెందిన 841 బ్యాలెట్​ బాక్స్​లు తిప్పి పంపించాలని ప్రకాశం జిల్లా పరిషత్​ అధికారులను కోరగా.. ఆర్టీసీ మెటీరియల్​ సర్వీస్​ వాహనంలో వీటిని తరలిస్తున్నారు. ఈ బ్యాలెట్​ బాక్స్​లను జెడ్పీ సీఈవో టి. కైలాస గిరీశ్వర్​ పర్యవేక్షణలో వెహికల్స్​ను సీలు వేసిన తరలించారు.

ఇదీ చదవండి: