డబ్బులివ్వలేదని ఓటింగ్కు దూరంగా గిరిజన కుటుంబాలు
నెల్లూరు జిల్లా ఆత్మకూరు మున్సిపల్ ఎన్నికల్లో విచిత్ర సంఘటన జరిగింది. డబ్బులు ఇస్తేనే ఓట్లు వేస్తాము.. లేకపోతే వెయ్యమని కొందరు గిరిజనులు భీష్మించుకుని కూర్చున్నారు. 17వ వార్డుకు చెందిన జమ్మలపాలెంలో 15 కుటుంబాలకు చెందిన ఓటర్లు పోలింగ్ కేంద్రం వద్దకు వచ్చి.. పక్కవార్డులో డబ్బులు ఇచ్చారని తమకు కూడా రూ. 1000 చొప్పున ఇస్తేనే ఓటు వేస్తామని స్పష్టం చేశారు.
ఏ రాజకీయ పార్టీ నాయకులు తమకు డబ్బులు ఇవ్వలేదంటూ పోలింగ్ కేంద్రం వద్దకు వెళ్లి ఓటు వేయకుండా నిరసన తెలిపారు. పక్క వార్డులో ఇచ్చి మాకు మాత్రం ఇవ్వలేదు.. అందరికీ ఒకే న్యాయం ఉండాలి కదా అని అమాయకంగా ఎదురు ప్రశ్నిస్తున్నారు. వీరిని చూసి ఆశ్చర్యపోవడం నేతల వంతైంది.
ఇదీ చదవండి:
