నెల్లూరు జిల్లా గూడూరులోని కొవిడ్ కేర్ సెంటర్లో ఉన్న మౌలిక వసతులను సబ్ కలెక్టర్ గోపాలకృష్ణ పరిశీలించారు. అక్కడ పనిచేస్తున్న సిబ్బందికి పలు సూచనలు చేశారు. కొవిడ్ కేర్ సెంటర్లో కొవిడ్ బాధితులకు ఆహ్లాదకరమైన వాతావరణాన్ని కల్పించేందుకు వీలుగా యోగా శిక్షణ కేంద్రం, ఆటలు ఆడుకునేందుకు సదుపాయాలు ఏర్పాటు చేస్తున్నామన్నారు. అదేవిధంగా ఆధ్యాత్మిక కార్యక్రమాలు ప్రసారం చేసేందుకు అన్ని చర్యలు తీసుకుంటున్నామని తెలియజేశారు. కొవిడ్ కేర్ సెంటర్లో బాధితులకు మెరుగైన వైద్య సేవలతో పాటు శారీరకంగా, మానసికంగా ఆరోగ్యంగా ఉండేందుకు అవసరమైన అన్ని చర్యలు తీసుకుంటున్నామన్నారు. అందుకుగాను పలువురు దాతలు ముందుకు వచ్చి వారి సహకారం అందించడం అభినందనీయమన్నారు.
ఇవీ చదవండి
