అక్రమంగా ఇసుక తరలింపు.. ఐదు ట్రాక్టర్లు సీజ్

నెల్లూరు జిల్లాలో ఇసుకను అక్రమంగా తరలిస్తున్న ఐదు ట్రాక్టర్లను ఎక్సైజ్​ పోలీసులు సీజ్​ చేశారు. ఇప్పటివరకు ఇసుక మాఫియాను అరికట్టేందుకు పోలీస్​, రెవెన్యూ అధికారులకు మాత్రమే అధికారం ఉండేందన్న అధికారులు ఇప్పుడు ఎక్సైజ్​ శాఖకు కూడా ఆ అధికారాలు కల్పించారన్నారు.

నెల్లూరు జిల్లా ఆత్మకూరు మండలం బొగ్గేరు నుంచి ఇసుకను అక్రమంగా తరలిస్తున్న వాహనాలను పోలీసులు పట్టుకున్నారు. ఇసుక అక్రమంగా తరలిపోతుందన్న సమాచారంతో ఎక్సైజ్ అధికారులు దాడులు నిర్వహించారు. అక్రమంగా ఇసుక తరలిస్తున్న ఐదు ట్రాక్టర్లను పోలీసులు సీజ్ చేశారు. ఈ కార్యక్రమంలో ఆత్మకూరు ఎక్సైజ్​ అధికారులు, పోలీస్​ సిబ్బంది పాల్గొన్నారు.

ఇవీ చూడండి... : బాబోయ్​ నకిలీ శానిటైజర్లు