చిన్న గొడవ.. పెద్ద శిక్ష
నెల్లూరు జిల్లా సంగం పరిధిలోని పెరమన గ్రామానికి చెందిన మల్లి శ్రీను, మల్లి ముని, గుంజి రాజు బంధువులు. ఓ ఆటో బాడుగ విషయంలో వారి మధ్య గొడవ జరిగింది. ఆగ్రహానికి గురైన శ్రీను.. మిగతా ఇద్దరిపై పోలీసులకు ఫిర్యాదు చేశాడు. ఆ వెంటనే.. ఏ మాత్రం విచారణ చేయకుండా ముని, రాజు పై పోలీసులు దాడి చేశారని బంధువులు ఆరోపిస్తున్నారు.
తామంతా ఒకే కుటుంబానికి చెందిన వారమని చెప్పినా కూడా.. ఎస్సై, ఏఎస్సై పట్టించుకోలేదని ఆవేదన చెందారు. కాళ్లు పట్టుకుని వేడుకున్నా పట్టించుకోకుండా... ముని, రాజులను చితకబాదారని చెప్పారు. ఇద్దరూ తీవ్ర గాయాలపాలయ్యారని.. గుంజి రాజు నడవలేని స్థితిలో ఉన్నాడని తెలిపారు. ఆత్మకూరు ఆసుపత్రిలో చికిత్స పొందుతున్నట్టు చెప్పారు.
ఇదీ చూడండి:
