కర్నూలు జిల్లా బేతంచర్లలో కర్ణాటక మద్యం బాటిళ్లను పోలీసులు స్వాధీనం చేసుకున్నారు. రంగాపురం రైల్వే గేట్ సమీపంలో డీసీఎం లారీలో తరలిస్తున్న మద్యం సీసాలను పట్టుకున్నారు. 25 కేసులలో 12వందల 25 సీసాలను స్వాధీనం చేసుకున్నారు. వీటి విలువ 3 లక్షల రూపాయలు ఉంటుందని డీఎస్పీ నరసింహ రెడ్డి తెలిపారు. డీసీఎం లారీ యజమాని గురుమూర్తి, శేఖర్ బళ్లారిలో పాలిష్ బండల వ్యాపారం చేస్తున్నారు. వీరు బేతంచర్ల నుంచి పాలిష్ బండలను బళ్లారికి లోడ్ పంపించి అక్కడినుంచి వచ్చేటప్పడు కర్ణాటక మద్యాన్ని వాహనంలో తీసుకువచ్చి బేతంచర్లలో అధిక రేట్లకు వ్యాపారులకు విక్రయిస్తున్నారని పోలీసులు తెలిపారు. మొత్తం ఏడుగురిపై కేసు నమోదు చేయగా.. ఐదుగురిని అరెస్ట్ చేశారు. ఇద్దరు పరారీలో ఉన్నారు. వీరిపై కేసు నమోదు చేసి దర్యాప్తు చేపట్టారు.
ఇవీ చదవండి
