ప్రేమ పేరుతో గ్రామ వాలంటీర్ మోసం..ఫోక్సో చట్టం కింద కేసు నమోదు

నాలుగేళ్లుగా ఓ యువతిని ప్రేమిస్తున్నానని నమ్మబలికాడు ఆ గ్రామ వాలంటీర్. తీరా పెళ్లి విషయం వచ్చేసరికి కాదు పొమ్మన్నాడు. ఆ యువతి పోలీసులకు ఫిర్యాదు చేయడంతో అతనిపై ఫోక్సో చట్టం కింద కేసు నమోదు చేసిన ఘటన కర్నూలు జిల్లా గుడిపాళ్లలో జరిగింది.

కర్నూలు జిల్లా గుత్తి ప్యాపిలి మండలం గుడిపాళ్ల గ్రామానికి చెందిన 24ఏళ్ల నగేశ్..గ్రామ వాలంటీర్ గా పని చేస్తున్నాడు. ఓ యువతిని నాలుగేళ్లుగా ప్రేమించానని…పెళ్లి చేసుకుంటానని నమ్మబలికాడు. తీరా ఆ యువతి పెళ్లి ప్రస్తావన తెచ్చేసరికి కుదరదు పొమ్మన్నాడు. మోసపోయానని గ్రహించిన ఆమె పోలీసులను ఆశ్రయించింది. విచారణ జరిపిన పోలీసులు నగేశ్​పై ఫోక్సో చట్టం కింద కేసు నమోదు చేశారు. నిందితుడిని అరెస్ట్ చేసి గుత్తి సబ్ జైలుకు తరలించినట్లు ఉరవకొండ ఎస్ఐ ధరణి బాబు తెలిపారు.

ఇవీ చదవండి: భారీ వర్షాలు.. ఉద్ధృతంగా ప్రవహిస్తోన్న కుందూ