గోమాతకు సంప్రదాయ పద్ధతిలో అంత్యక్రియలు
కృష్ణా జిల్లా నూజివీడులో.. ఓ జంట తమ గోమాతకు శాస్త్రోక్తంగా అంత్యక్రియలు నిర్వహించింది. రాంబాబు, నాగేశ్వరమ్మ దంపతులు కొన్నాళ్లుగా గోవును పెంచుకుంటున్నారు. అది మృతి చెందగా.. తల్లడిల్లిపోయారు. కాటికాపరిగా పనిచేస్తున్న రాంబాబుకు కొన్నాళ్ల క్రితం దూడని.. ఓ వ్యక్తి బహుమానంగా అందించాడు. మూడేళ్లుగా దానికి అల్లారుముద్దుగా చూసుకునేవారు. లక్ష్మీ అని పేరు కూడా పెట్టారు. ఈ తరుణంలో సోమవారం ఆవుకు అనారోగ్యం చేసింది. రాంబాబు వైద్యం చేయించినా మృతి చెందింది. ఆ దంపతులు దుఃఖాన్ని దిగమింగి సంప్రదాయం ప్రకారం అంత్యక్రియలు నిర్వహించారు. తమ పూర్వీకుల సమాధుల చెంతనే గోవును ఖననం చేశారు.
