విశాఖ మానసిక వైద్యశాలలో తనకు సంబంధం లేని మందులిస్తున్నారని, ఆ చికిత్సపై నమ్మకం లేదంటూ డాక్టర్ సుధాకర్ దాఖలు చేసిన రిట్ పిటిషన్పై హైకోర్టులో విచారణ జరిగింది. తాము మెరుగైన వైద్యం అందిస్తున్నామని హైకోర్టుకు ప్రభుత్వ తరఫు న్యాయవాది తెలపగా.. సుధాకర్ పోలీస్‌ కస్టడీలో ఉన్నారా? లేక జ్యుడీషియల్ కస్టడీలో ఉన్నారో తెలపాలని న్యాయమూర్తి ప్రశ్నించారు.
పూర్తి వివరాలు ఇచ్చేందుకు ప్రభుత్వ తరఫు న్యాయవాది రెండు రోజుల గడువు కోరగా.. ఈ రెండు రోజుల్లో సుధాకర్ ఆరోగ్యానికి ఎలాంటి ఇబ్బంది ఉండదనే నమ్మకం ఏంటని న్యాయమూర్తి ప్రశ్నించారు. సుధాకర్‌ను తక్షణమే మరో ఆస్పత్రికి తరలించి, న్యాయస్థానం పర్యవేక్షణలో వైద్యం అందించేలా ఆదేశాలు జారీచేయాలని- అతని తరఫు న్యాయవాది శ్రావణ్కుమార్ కోరారు. ఆస్పత్రిలో అందిస్తున్న చికిత్సపై ఇప్పటికే ఆస్పత్రి సూపరింటెండెంట్‌కు లేఖ రాశానని ఆ పిటిషన్‌లో పేర్కొన్నారు. ప్రతివాదులుగా హోం, వైద్య, ఆరోగ్యశాఖ ముఖ్య కార్యదర్శులు, డీజీపీ, విశాఖ సీపీ, విశాఖ మానసిక వైద్యశాల సూపరింటెండెంట్‌లను పేర్కొన్నారు.
ఇదీ చదవండి:
