వ్యక్తిగత దూరం లేకుంటే.. కరోనా నివారణ ఎలా..?

వ్యక్తిగత దూరం.. కరోనా వ్యాప్తి నివారణకు ఇది ఒక్కటే మార్గం. అయితే కొన్ని చోట్ల అధికారులు నిర్లక్ష్యంగా వ్యవహరిస్తూ ఈ నిబంధనను పట్టించుకోవడం లేదు. కృష్ణా జిల్లా గుడివాడలో పారిశుద్ధ్య కార్మికులకు గుడ్లు పంపిణీ చేపట్టే క్రమంలో పురపాలక అధికారులు భౌతిక దూరంపై పట్టంపు లేకపోవడం విమర్శలకు కారణమైంది.

కృష్ణా జిల్లా గుడివాడలో పురపాలక శాఖ అధికారుల తీరు విమర్శలపాలైంది. పారిశుద్ధ్య కార్మికులకు కోడిగుడ్ల పంపిణీకి అధికారులు నిర్ణయించారు. సమాచారం తెలుసుకున్న కార్మికులంతా.. వాటిని తీసుకునేందుకు కార్యాలయానికి వెళ్లారు. అయితే వారు వ్యక్తిగత దూరం పాటించేలా అధికారులు ఎలాంటి చర్యలు తీసుకోలేదు. ఈ కారణంగా.. కార్మికులు గుంపులుగానే ఉంటూ మున్సిపల్​ కమిషనర్​ సంపత్​ కుమార్​ అందించిన కోడిగుడ్లు తీసుకున్నారు. ఈ చర్యపై స్థానికులు ఆగ్రహం వ్యక్తం చేశారు.

ఇదీ చూడండి: