జీవో 56ను అమలు చేయాలని వైద్య విద్యార్థుల డిమాండ్
పీజీ వైద్య విద్య కౌన్సిలింగ్లో సీట్లు వచ్చిన విద్యార్థుల పరిస్థితి అగమ్యగోచరంగా మారుతోంది. ప్రైవేట్ కాలేజీలు విద్యార్థుల ప్రవేశాలకు అనుమతి నిరాకరిస్తున్న కారణంగా.. విద్యార్థులు విజయవాడ ఎన్టీఆర్ హెల్త్ యూనివర్శిటీ ఎదుట నిరాహారదీక్ష చేపట్టారు.
నాలుగు రోజుల నుంచి దీక్ష చేస్తున్నా ప్రభుత్వం పట్టించుకోవట్లేదని ఆవేదన వ్యక్తం చేశారు. జీవో 56ను తక్షణమే అమలు చేయాలని డిమాండ్ చేశారు. ఒకవైపు న్యాయపోరాటం చేస్తూనే మరోవైపు దీక్ష చేస్తామని విద్యార్థులు చెబుతున్నారు. ప్రైవేట్ కాలేజీలతో ప్రభుత్వం చర్చించి తమను కాలేజీల్లో చేర్చుకునే విధంగా చర్యలు తీసుకోవాలని కోరారు.
ఇదీ చూడండి:
